ကမ္ဘောဒီးယားနှင့် တရုတ်နိုင်ငံတို့ကြား ကုန်သွယ်မှုသည် ၂၀၂၅ ခုနှစ်၊ပထမ သုံးလပတ် တွင် ကန်ဒေါ်လာ ၄ ဘီလီယံကျော်ရှိပြီး ၂၀၂၄ ခုနှစ် အလားတူကာလထက် ၂၆ ရာခိုင်နှုန်း မြင့်တက်လာကြောင်း ကမ္ဘောဒီးယားနိုင်ငံ အကောက်ခွန်နှင့် ကုန်စည်စီးဆင်းမှုဦးစီးဌာန (GDCE) ၏ အစီရင်ခံစာအရသိရသည်။ GDCE ၏အချက်အလက်များအရ နှစ်နိုင်ငံကုန်သွယ်မှု သည် ဒေါ်လာ ၄.၀၆ ဘီလီယံအထိ ရောက်ရှိခဲ့ပြီး ၂၀၂၄ ခုနှစ် အလားတူကာလတွင် ဒေါ်လာ ၃.၂ ဘီလီယံမှ ၂၆.၇ ရာခိုင်နှုန်း တိုးလာခဲ့သည်။ တရုတ်နိုင်ငံသို့ ကမ္ဘောဒီးယား၏ ပို့ကုန် စုစုပေါင်းမှာ ကန်ဒေါ်လာ ၃၄၈.၁၉ သန်းရှိပြီး တစ်နှစ်ထက်တစ်နှစ် ၄.၉ ရာခိုင်နှုန်း ကျဆင်းခဲ့ပြီး တရုတ်နိုင်ငံမှ တင်သွင်းမှုမှာ ၃၀.၈ ရာခိုင်နှုန်း တိုးမြင့်လာကာ ကန်ဒေါ်လာ ၃.၇၂ ဘီလီယံအထိ ရှိခဲ့သည်။ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန (MoC) ၏ ပြောရေးဆိုခွင့်ရှိသူ Penn Sovicheat က ကမ္ဘောဒီးယား-တရုတ် ဆက်ဆံရေးသည် စီးပွားရေးတိုးတက်မှု၊ ရင်းနှီး မြှုပ်နှံမှု၊ ကုန်သွယ်မှုနှင့် အခြေခံအဆောက်အအုံ ဖွံ့ဖြိုးတိုးတက်ရေးတို့ကို အထောက်အကူ ဖြစ်စေကြောင်း အလေးအနက်ပြောကြားခဲ့သည်။ Sovicheat က "ကမ္ဘောဒီးယားနှင့် တရုတ် နိုင်ငံတို့သည် ဖွံ့ဖြိုးတိုးတက်မှု၊ အရင်းအမြစ်ခွဲဝေမှု၊ လုံခြုံရေးနှင့် ယဉ်ကျေးမှုဖလှယ်ရေးတို့တွင် ပူးပေါင်းဆောင်ရွက်ရန်” ဆက်လက်ပြောသည်။ ကုန်သွယ်မှုများ ဆက်တိုက်မြင့်တက်လာခြင်း သည် နှစ်နိုင်ငံကြား နက်ရှိုင်းသောစီးပွားရေး ဆက်ဆံမှုများကို သက်သေပြပြီး အနာဂတ်တွင် ပိုမိုချဲ့ထွင်ရန် အလားအလာကို အချက်ပြနေကြောင်း ဆက်လက်ပြောကြားခဲ့သည်။ ကမ္ဘောဒီးယားမှ တရုတ်နိုင်ငံသို့ တင်ပို့ရာတွင် အဓိကအားဖြင့် ဆန်၊ သီဟိုဠ်စေ့၊ ပီလောပီနံ၊ ငါးနှင့်အခြားအပါအဝင် စိုက်ပျိုးရေးထွက်ကုန်များဖြစ်သည်။ ထို့အပြင် MoC သည် ကမ္ဘောဒီးယားအမှတ်တံဆိပ်များနှင့် ပြည်တွင်းထုတ်ကုန်ပစ္စည်းများကို ပြည်တွင်းစက်မှု လုပ်ငန်းများ အားကောင်းလာစေရန်နှင့် အရည်အသွေးမြင့်မားသော စံချိန်စံညွှန်းများကို အာမခံခြင်းဖြင့် အစိုးရသည် ကမ္ဘောဒီးယား၏ ဒေသတွင်းနှင့် ကမ္ဘာ့ဈေးကွက်များတွင် ယှဉ်ပြိုင်နိုင်စွမ်းကို မြှင့်တင်ရန်ရည်မှန်းထားပြီး ၎င်း၏ကြီးထွားလာနေသော စီးပွားရေးတွင် ရင်းနှီးမြှုပ်နှံမှုများကို ဆွဲဆောင်လျက်ရှိသည်။
Source: Khmer Times
DOCA(ရန်ကုန်)