ကမ္ဘောဒီးယားနှင့် ထိုင်းနိုင်ငံတို့သည် ကုန်သွယ်မှုဆိုင်ရာ ပူးပေါင်းဆောင်ရွက်မှုကို ပိုမိုခိုင်မာစေရန် သဘောတူ

ထိုင်းဝန်ကြီးချုပ်၏ ကမ္ဘောဒီးယားနိုင်ငံသို့ နှစ်ရက်ကြာ ခရီးစဉ်အတွင်း ကုန်သွယ်မှုနှင့် ရင်းနှီးမြှုပ်နှံမှုဆိုင်ရာ ပူးပေါင်းဆောင်ရွက်မှုများ တိုးမြှင့်ဆောင်ရွက်ရန် နှစ်နိုင်ငံခေါင်းဆောင် နှစ်ဦးသဘောတူညီပြီးဖြစ်ကာ ဇန်နဝါရီမှမတ်လအတွင်း အိမ်နီးချင်းနိုင်ငံနှစ်နိုင်ငံ ကမ္ဘောဒီးယား နှင့်ထိုင်းနိုင်ငံတို့ကြား ကုန်သွယ်မှုသည် ကန်ဒေါ်လာ ၁,၁၄၈ သန်းအထိရှိခဲ့သည်။ ကမ္ဘောဒီးယားသည် ဇန်နဝါရီမှစတင်ကာ ထိုင်းနိုင်ငံသို့ ကုန်ပစ္စည်းဒေါ်လာ ၂၅၅ သန်းဖိုး တင်ပို့ခဲ့ပြီး ၂၀၂၄ ခုနှစ် အလားတူကာလက စံချိန်တင် ကန်ဒေါ်လာ ၂၈၅ သန်းမှ ၁၀ ရာခိုင်နှုန်း ကျဆင်းခဲ့ကြောင်း အကောက်ခွန်ဦးစီးဌာန၏ အစီရင်ခံစာအရ သိရသည်။ ထိုအတောအတွင်း၊ ထိုင်းနိုင်ငံမှ သွင်းကုန်များအတွက် အမေရိကန်ဒေါ်လာ ၈၉၃ သန်းခန့် ရှိခဲ့ပြီး ၂၀၂၄ ခုနှစ် အလားတူကာလ ဒေါ်လာ ၈၃၇ သန်းမှ ၆.၇ ရာခိုင်နှုန်း တိုးလာသည်ဟု အစီရင်ခံစာတွင် ဖော်ပြ ထားသည်။ ထိုင်းနိုင်ငံသို့ ကမ္ဘောဒီးယား၏ အဓိကပို့ကုန်များမှာ အထည်အလိပ်၊ စိုက်ပျိုးရေး ထွက်ကုန်၊ ကျောက်မျက်၊ ကုန်ကြမ်းနှင့် တစ်ပိုင်းကုန်ချောထုတ်ကုန်များ ပါဝင်သည်။ ထိုင်းနိုင်ငံ မှ သွင်းကုန်များတွင် ငါး၊ အသား၊ ဟင်းသီးဟင်းရွက်များ၊ မော်တော်ကားများ၊ အော်ဂဲနစ် ဓာတ်မြေသြဇာများ၊ စားသောက်ကုန်များနှင့် ဆောက်လုပ်ရေးပစ္စည်းများ ပါဝင်သည်။ ကမ္ဘောဒီးယားနှင့် ထိုင်းတို့သည် ၂၀၂၅ ခုနှစ်တွင် နှစ်နိုင်ငံကုန်သွယ်မှုဒေါ်လာ ၁၅ ဘီလီယံအထိ  ရည်မှန်းထားသည်။ ထိုင်းနိုင်ငံသည် အာဆီယံတွင် ကမ္ဘောဒီးယား၏ ဒုတိယအကြီးဆုံး ကုန်သွယ်မှု မိတ်ဖက်နိုင်ငံဖြစ်ပြီး ကုန်သွယ်မှုပမာဏသည် ၂၀၂၄ ခုနှစ်တွင် ကန်ဒေါ်လာ ၂,၄၈၈ သန်းရှိပြီး ၂၀၂၃ ခုနှစ်တွင် စံချိန်တင်ကန်ဒေါ်လာ ၃၇၁၂ သန်းမှ ၁၅.၅ ရာခိုင်နှုန်း တိုးလာ ကြောင်း အစီရင်ခံစာတွင် ဖော်ပြထားသည်။

Source: Khmer Times

DOCA(ရန်ကုန်)