ကမ္ဘောဒီးယားနှင့် တရုတ်နိုင်ငံတို့သည် သိပ္ပံ၊ နည်းပညာ၊ ဉာဏ်ရည်တု (AI) နှင့် photovoltaic (PV) လုပ်ငန်းတို့တွင် နှစ်နိုင်ငံပူးပေါင်းဆောင်ရွက်မှု မြှင့်တင်ရန်ရည်ရွယ်သည့် အဓိက နားလည်မှုစာချွန်လွှာ (MoUs) သုံးခုကို လက်မှတ်ရေးထိုးခဲ့ကြသည်။ အဆိုပါ နားလည်မှုစာချွန်လွှာကို စက်မှု၊ သိပ္ပံ၊ နည်းပညာနှင့်တီထွင်ဆန်းသစ်မှုဝန်ကြီးဌာန(MISTI) မှ ပြည်ထောင်စုဝန်ကြီး Hem Vanndy နှင့် တရုတ်အကြီးတန်းအရှာရှိ (၃) ဦးတို့က ငြိမ်းချမ်းရေး နန်းတော်တွင် လက်မှတ်ရေးထိုးခဲ့ကြသည်။ လက်မှတ်ရေးထိုးပွဲ အခမ်းအနားကို တရုတ်သမ္မတ ရှီကျင့်ဖျင်နှင့် ကမ္ဘောဒီးယားနိုင်ငံ၊ ဝန်ကြီးချုပ် Hun Manet တို့သည် နှစ်နိုင်ငံကြား လက်မှတ်ရေးထိုးခဲ့သည့် သဘောတူညီချက် ၃၂ ချက်အနက်မှ လက်မှတ်ရေးထိုးခဲ့ခြင်း ဖြစ်သည်။ သဘောတူညီချက်အရ နှစ်နိုင်ငံစလုံးသည် သိပ္ပံပညာရှင်များနှင့် သုတေသီများ အတွက် နှစ်စဉ်ဖလှယ်မှု၊ ပညာရပ်ဆိုင်ရာ ဆွေးနွေးပွဲများ၊ အလုပ်ရုံဆွေးနွေးပွဲများ ပူးတွဲ ကျင်းပရန်နှင့် ပူးတွဲသုတေသနပရောဂျက်များအတွက် အဖွဲ့အစည်းဆိုင်ရာ ပူးပေါင်း ဆောင်ရွက် မှုများကို ပံ့ပိုးပေးမည်ဖြစ်သည်။ ကမ္ဘောဒီးယားနိုင်ငံ အမျိုးသား သိပ္ပံ၊ နည်းပညာနှင့် ဆန်းသစ်တီထွင်ခြင်း (NCSTI) နှင့် တရုတ်နိုင်ငံ၏ အမျိုးသားဖွံ့ဖြိုးတိုးတက်ရေးနှင့် ပြုပြင် ပြောင်းလဲရေးကော်မရှင်(NDRC) တို့အကြား လက်မှတ်ရေးထိုးခဲ့ကြသည့် ဒုတိယ နားလည်မှု စာချွန်လွှာသည် ဉာဏ်ရည်တု (AI) ကဏ္ဍတွင် ကျယ်ကျယ်ပြန့်ပြန့် ပူးပေါင်းဆောင်ရွက်မှု အတွက် သဘောတူညီခဲ့ကြသည်။ ဗျူဟာမြောက်ဦးစားပေးလုပ်ဆောင်မှုများတွင် cloud computing နှင့် ဒေတာစင်တာများပုံစံဖြင့် AI အခြေခံအဆောက်အအုံများတည်ဆောက်ရန်၊ AI လေ့ကျင့်သင်ကြားထားသော ကျွမ်းကျင်ပညာရှင်များကိုတည်ဆောက်ရန်နှင့် ကမ္ဘောဒီးယား နိုင်ငံ၏ ဘာသာစကားကြီးကြီးမားမားပုံစံကို ဖော်ဆောင်ရန်ဖြစ်သည်။ နိုင်ငံနှစ်ခုသည် AI စည်းမျဉ်း၊ ဘေးအန္တရာယ်စီမံခန့်ခွဲမှုနှင့် ဘေးကင်းရေးစံနှုန်းများဆိုင်ရာ အကောင်းဆုံး အလေ့အကျင့်များကိုမျှဝေရန် ကတိပြုခဲ့သည်။ ကျန်းမာရေးစောင့်ရှောက်မှု၊ ပညာရေးနှင့် ငွေကြေကဏ္ဍတို့တွင် AI ကို အသုံးချ၍ ရေရှည်တည်တံ့ပြီး အားလုံးပါဝင်နိုင်သည့် ဖွံ့ဖြိုးတိုးတက်မှုသေချာစေရန် အတူတကွ ဆွေးနွေးခဲ့ကြသည်။ တတိယနားလည်မှုစာချွန်လွှာ သည် MISTI နှင့် တရုတ်နိုင်ငံ၏ စက်မှုနှင့် သတင်းအချက်အလက်နည်းပညာ ဝန်ကြီးဌာန တို့ကြားတွင် photovoltaic ကဏ္ဍတွင် ပူးပေါင်းဆောင်ရွက်မှုအတွက်ဖြစ်သည်။ MoU သည် PV သုတေသနနှင့် ထုတ်လုပ်မှု၊ စမတ်နေရောင်ခြည်နည်းပညာနှင့် ကမ္ဘာလုံးဆိုင်ရာ PV စံသတ်မှတ်ချက်များတွင် ပူးပေါင်းကြိုးပမ်းမှုများကို မြှင့်တင်ပေးမည်ဖြစ်သည်။
Source: Khmer Times
DOCA(ရန်ကုန်)