ဗီယက်နမ်လျှပ်စစ်မော်တော်ယာဉ်ထုတ်လုပ်သူ VinFast သည်မတ်လတွင် လျှပ်စစ် မော်တော်ယာဉ်အစီးရေ ၁၂၁၀၀ စီးရောင်းချခဲ့ပြီး နိုင်ငံ၌ရောင်းအားအကောင်းဆုံးကားအမှတ် တံဆိပ်အဖြစ် ရပ်တည်ခဲ့ကြောင်း ဗီယက်နမ်မော်တော်ယာဉ်ထုတ်လုပ်သူများအသင်း (VAMA) ၏ အဆိုအရ သိရပါသည်။ A-segment SUV VF 5 သည်အစီးရေ ၄၄၀၀ ကျော်ဖြင့် ရောင်းအား အကောင်းဆုံးမော်ဒယ်ဖြစ်ခဲ့ကြောင်း သိရပါသည်။ ၎င်း၏နောက်တွင် VF 3 ကအစီးရေ ၃၇၀၀ ကျော်၊ VF 6 ကအစီးရေ ၁၁၀၀ ကျော်နှင့် VF 7 ကအစီးရေ ၆၆၀ ဖြင့်အသီးသီးရပ်တည် နေကြောင်း သိရပါသည်။ မတ်လသည် VinFast ၏ နိုင်ငံတဝှမ်းအရောင်းကိုယ်စားလှယ်များနှင့် GSM တို့က ဖြန့်ဖြူးမည့် Green mini EV စီးရီးများအတွက် ကြိုတင်မှာယူမှုများ တရားဝင် စတင်လက်ခံသည့်လဖြစ်ကြောင်း သိရပါသည်။ ၇၂ နာရီအတွင်း GSM သည် Green mini EV စီးရီးများအတွက် ကြိုတင်မှာယူမှု ၄၅၈၁၃ ခုရရှိခဲ့ကြောင်း သိရပါသည်။ ၂၀၂၅ ခုနှစ်၏ ပထမ ၃ လတာကာလတွင် VinFast သည် လျှပ်စစ်မော်တော်ယာဉ်အစီးရေ ၃၅၁၀၀ စီး ရောင်းချခဲ့ပြီး ဖြစ်ကြောင်း သိရပါသည်။ ထိုအရှိန်အဟုန်ဖြင့် ကုမ္ပဏီသည် ၂၀၂၅ ခုနှစ်အတွက် လျှပ်စစ်ကား ရောင်းချရမှုကို ၂၀၂၄ ခုနှစ်ကပမာဏဖြစ်သည့် အစီးရေ ၈၇၀၀၀ ကိုကျော်ဖြတ်ရန် ရည်မှန်းထား ကြောင်း သိရပါသည်။ ပြည်တွင်းဈေးကွက်လွှမ်းမိုးမှုကိုထိန်းသိမ်းနေစဉ်မှာပင် ကုမ္ပဏီသည် ၎င်း တို့၏ကမ္ဘာလုံးဆိုင်ရာတိုးချဲ့မှုကို အရှိန်မြှင့်တင်လျှက်ရှိပြီး အင်ဒိုနီးရှား၊ ဖိလစ်ပိုင်နှင့် အိန္ဒိယအစ ရှိသည့် အဓိကနိုင်ငံတကာဈေးကွက်များကို ရည်မှန်းလျှက်ရှိကြောင်း သိရပါသည်။
Vietnam Plus
DOCA(ရန်ကုန်)