ဘရာဇီးနိုင်ငံဆိုင်ရာ ဗီယက်နမ်သံအမတ် Bui Van Nghi သည် နှစ်နိုင်ငံအကြား ဗျူဟာ မြောက်ပူးပေါင်းဆောင်ရွက်မှုတွင် ဖွံ့ဖြိုးတိုးတက်မှုအရှိန်မြှင့်တင်ရန် Sao Paulo မြို့သို့ အလုပ် သဘောအလည်အပတ်ခရီးသွားရောက်ခဲ့ကြောင်း သိရပါသည်။ ဧပြီလ ၇ ရက်မှ ၁၀ ရက်ထိ အလည်အပတ်ခရီးစဉ်အတွင်း သံအမတ်သည် Sao Paulo ပြည်နယ်၏အုပ်ချုပ်ရေးအဖွဲ့နှင့် Sau Paulo စက်မှုလုပ်ငန်းရှင်များအသင်းနှင့်တွေ့ဆုံခဲ့ပြီး Sau Paulo ကိုအဓိကထားသည့် အပြန် အလှန်ကုန်သွယ်မှုနှင့် ရင်းနှီးမြှုပ်နှံမှုဆက်လက်အားကောင်းရန်အခွင့်အလမ်းများအား ရှာဖွေရန် ဆွေးနွေးခဲ့ကြကြောင်း သိရပါသည်။ Sau Paulo နိုင်ငံတကာဆက်ဆံရေးညွှန်ကြားရေးမှူး Samo Tosatti နှင့် ဆွေးနွေးမှုအတွင်း Nghi က နှစ်နိုင်ငံသည် ယခုအခါ ဗျူဟာမြောက် မိတ်ဖက်များ ဖြစ်သော်လည်း စီးပွားရေးနှင့်ကုန်သွယ်ရေးပူးပေါင်းဆောင်ရွက်မှုအတွက် ကြီးမား သောအလားအလာများဆက်လက်တည်ရှိသေးကြောင်းပြောကြားခဲ့ပြီး နှစ်နိုင်ငံစီးပွားရေး လုပ်ငန်းများအကြား အပြန်အလှန် နားလည်မှုတိုးမြှင့်ရန်အကြံပြုခဲ့ကြောင်း သိရပါသည်။ Nghi သည် ဗီယက်နမ် လုပ်ငန်းများအတွက် သိသာသောအခွင့်အလမ်းများဖွင့်လှစ်ပေးရန်နှင့် ဘရာဇီး အား အာဆီယံ ဈေးကွက်သို့ဝင်ရောက်ရေးတွင်ကူညီပေးနိုင်ရန်အတွက် ဗီယက်နမ်နှင့် MERCOSUR ကြား လွတ်လပ်သောကုန်သွယ်ရေးသဘောတူညီချက်အတွက် ဖက်ဒရယ်အဆင့် ဆွေးနွေးမှုများကို ပံ့ပိုးပေးရန် Sao Paulo အာဏာပိုင်များနှင့် လုပ်ငန်းများအား အဆိုပြုခဲ့ကြောင်း သိရပါသည်။ အပြန်အလှန်အနေဖြင့် ဘရာဇီးသည် တောင်အမေရိကတွင် ဗီယက်နမ်ကုန်ပစ္စည်းများအတွက် အရေးပါသောဈေးကွက်အဖြစ် ဆက်လက်တည်ရှိမည်ဟု သိရပါသည်။ Tosatti က နိုင်ငံတကာ ပူးပေါင်းဆောင်ရွက်မှု အထူးသဖြင့် ဗီယက်နမ်နှင့် ပူးပေါင်းရန်အာမခံချက်ကို ပြန်လည်အတည်ပြု ခဲ့ပြီး ဗီယက်နမ်၏စီးပွားရေးအောင်မြင်မှုများကို အသိအမှတ်ပြုခဲ့ကြောင်း သိရပါသည်။ ထို့ပြင် လွတ်လပ်သောကုန်သွယ်ရေးသဘောတူညီချက်နှင့်ပတ်သတ်၍ ပံ့ပိုးပေးမည်ဖြစ်ကြောင်းနှင့် အပြန်အလှန်ပူးပေါင်းဆောင်ရွက်မှုအရှိန်မြှင့်တင်ရာတွင် Sao Paulo ၏ အားကောင်းသော ပုဂ္ဂလိကကဏ္ဍနှင့်ပတ်သတ်၍ အသားပေးပြောကြားခဲ့ကြောင်း သိရပါသည်။ သံအမတ်၏ Sao Paulo သို့ အလည်အပတ်ခရီးသည် ပူးပေါင်းဆောင်ရွက်မှုများ အထူးသဖြင့် စိုက်ပျိုးမွေးမြူရေး၊ အစာအစာပြုပြင်ထုတ်လုပ်ခြင်းနှင့် ရင်းနှီးမြှုပ်နှံမှုများတွင် အခွင့်အလမ်းသစ်များဖွင့်လှစ်ပေးနိုင် ရန် မျှော်မှန်းရကြောင်း သိရပါသည်။
Vietnam Plus
DOCA(ရန်ကုန်)