အမေရိကန် ကုန်သွယ်မှုကာကွယ်ရေးဝါဒ သိသိသာသာ မြင့်တက်လာခြင်းသည် အာရပ်နိုင်ငံ များအား ပမာဏ အမေရိကန်ဒေါ်လာ ၂၂ ဘီလီယံ တန်ဖိုး ရှိသော ရေနံမဟုတ်သော ပို့ကုန်များအား ဖိအားပေးခြိမ်းခြောက်မှု တိုးမြင့်လာနေကြောင်း ကုလသမဂ္ဂ အနောက်အာရှ စီးပွားရေးနှင့် လူမှုရေး ကော်မရှင် (ESCWA) မှ ဧပြီလ ၁၉ ရက်နေ့က ထုတ်ပြန်သည့် မူဝါဒအကျဉ်းချုပ်အရသိရသည်။ ဂျော်ဒန်နိုင်ငံသည် ၎င်း၏ စုစုပေါင်းပို့ကုန်များ၏ လေးပုံတစ်ပုံနီးပါးကို အမေရိကန်သို့ တင်ပို့ရန်စီစဥ် ထားပြီး ထိခိုက်လွယ်ဆုံးနိုင်ငံအဖြစ်တည်ရှိသည်။ ဘာရိန်းနိုင်ငံသည်လည်း အမေရိကန်ဈေးကွက်သို့ အလူမီနီယံနှင့် ဓာတုပစ္စည်းများ တင်ပို့မှုအပေါ် အပြင်းအထန် မှီခိုနေရသောကြောင့် စိုးရိမ်မှုမြင့် တက်လျှက်ရှိသည်။ ESCWA အကျဉ်းချုပ်သည် ကမ္ဘာ့ရေနံစျေးနှုန်းများ သိသိသာသာ ကျဆင်းသွား ခြင်းနှင့် ရင်ဆိုင်နေရသော ပင်လယ်ကွေ့ပူးပေါင်းဆောင်ရွက်ရေးကောင်စီ (GCC) စီးပွားရေး နိုင်ငံများ တွင် ကြီးထွားလာနေသည့် ဘဏ္ဍာရေးဆိုင်ရာ ပြဿနာများကို သတိပေးထားသည်။ ရင်းနှီးမြှုပ်နှံသူ များ၏ မသေချာမရေရာမှုများကြားတွင် ကမ္ဘာလုံးဆိုင်ရာ ငွေချေးစာချုပ်များ ထွက်ပေါ်မှုမြင့်တက် လာခြင်းတို့၏တွန်းအားများကြောင့် ESCWA ပရောဂျက်များသည် အီဂျစ်၊ မော်ရိုကို၊ ဂျော်ဒန်နှင့် တူနီးရှားတို့ စုပေါင်းကာ ၂၀၂၅ ခုနှစ်တွင် နောက်ထပ် ဒေါ်လာ ၁၁၄ သန်းကို အချုပ်အခြာအာဏာပိုင် အတိုးပေးချေမှုဖြင့် ရင်ဆိုင်ရဖွယ်ရှိသည်။ အဆိုပါ မြင့်မားသော ချေးငွေကုန်ကျစရိတ်များသည် နိုင်ငံတော်ဘတ်ဂျက်များကို တင်းကျပ်စေပြီး ဖွံ့ဖြိုးတိုးတက်မှုဆိုင်ရာ လုပ်ငန်းစဉ်များကို နှောင့်နှေး စေနိုင်သည်ဟုသိရသည်။ ယခုလအစောပိုင်းတွင် အမေရိကန်သမ္မတ Donald Trump သည် ဆန့်ကျင်မှုများကြားတွင် ကမ္ဘာတစ်ဝှမ်းရှိ ၎င်း၏ကုန်သွယ်ဖက်များအပေါ် "အပြန်အလှန်အကောက် ခွန်များ" ဟုခေါ်သော အမိန့်စာချုပ်များကို လက်မှတ်ရေးထိုးခဲ့သည်။
Source : Xinhua
DOCA(ရန်ကုန်)