ကမ္ဘောဒီးယားနှင့် ကာဇက်စတန်နိုင်ငံတို့သည် ၂၀၂၅ ခုနှစ်အတွင်း ခရီးသွားကဏ္ဍတွင် ပူးပေါင်းဆောင်ရွက်မှုများ တိုးမြှင့်ဆောင်ရွက်ရန် သဘောတူညီခဲ့ကြပြီး ခရီးသွားလုပ်ငန်းဆိုင်ရာ နားလည်မှုစာချွန်လွှာ (MoU) ကို လက်မှတ်ရေးထိုးရန်အတွက် စီစဉ်ခဲ့ကြသည်။ ခရီးသွားလာရေးဝန်ကြီး Huot Hak နှင့် Kazakhstan ခရီးသွားလုပ်ငန်းနှင့် အားကစားဝန်ကြီး ဌာန၊ ဒုတိယဝန်ကြီး Yerkinbayev Yerzhan တို့အကြား အလုပ်သဘော ဆွေးနွေးမှုအတွင်း ပူးပေါင်းဆောင်ရွက်မှုတိုးမြှင့်ရန် ကတိကဝတ်ပြုခဲ့ခြင်းဖြစ်သည်။ Yerzhan နှင့် တွေ့ဆုံစဉ် မကြာမီကာလအတွင်း ခရီးသွားလုပ်ငန်းဆိုင်ရာ နားလည်မှုစာချွန်လွှာ (MoU) ရေးထိုးရန် အစီအစဉ်များအပါအဝင် ၂၀၂၅ ခုနှစ်အတွင်း ခရီးသွားလုပ်ငန်းကဏ္ဍတွင် နှစ်နိုင်ငံပူးပေါင်း ဆောင်ရွက်မှု အားကောင်းလာစေရန် ဆွေးနွေးခဲ့ကြောင်း ဝန်ကြီး Hak ၏ လူမှုမီဒီယာတွင် ဖော်ပြထားချက်အရသိရသည်။ နှစ်နိုင်ငံစလုံးသည် နိုင်ငံခြားဧည့်သည်များနှင့် ဖော်ရွေပျူငှာစွာ ရင်းနှီးမြုပ်နှံကြသည့်အပြင် ၎င်းတို့၏ ရိုးရာအစားအစာများ၊ ယဉ်ကျေးမှုအမွေအနှစ်များ နှင့် နှစ် ၃၀ ကျော်ကြာ သံတမန်ဆက်ဆံရေး ကောင်းမွန်မှုတို့ကြောင့် လူသိများပါသည်။ လူမှုစီးပွား သုတေသနပညာရှင် Chey Tech က ခရီးသွားလုပ်ငန်းကဏ္ဍတွင် ပူးပေါင်းဆောင်ရွက်မှု အားကောင်းစေရန် ကမ္ဘောဒီးယားနှင့် ကာဇက်စတန်တို့ကြား နားလည်မှုစာချွန်လွှာ လက်မှတ်ရေးထိုးခြင်းကို ကြိုဆိုကြောင်း ပြောကြားခဲ့သည်။ အဆိုပါ သဘောတူညီချက်သည် ကမ္ဘောဒီးယားခရီးသွားလုပ်ငန်းအတွက် အပြုသဘောဆောင်သော ခြေလှမ်းတစ်ခုဖြစ်ပြီး ကာဇက်စတန်သည် ကမ္ဘောဒီးယားအတွက် ခရီးသွားနေရာသစ်တစ်ခုအဖြစ် ဖော်ပြခဲ့သည်။ MoU သည် ယခုနှစ်နှင့် နောင်နှစ်များတွင် ကမ္ဘောဒီးယားနိုင်ငံ၏ ခရီးသွားကဏ္ဍတွင် ပိုမိုတိုးတက်မှုအတွက် အထောက်အကူဖြစ်စေမည်ဟု Chey Tech က ထုတ်ဖော်ပြောကြားခဲ့ သည်။ ၂၀၂၄ ခုနှစ်တွင် ကမ္ဘောဒီးယားနိုင်ငံသည် နိုင်ငံတကာခရီးသွားဧည့်သည် ၆.၇ သန်းခန့်ကို လက်ခံခဲ့ပြီး ၂၀၂၅ ခုနှစ်တွင် ၇ သန်းကျော်အထိ မျှော်မှန်းထားသည်။ ၂၀၂၅ ခုနှစ်၊ ပထမနှစ်လ အတွင်း ကမ္ဘောဒီးယားနိုင်ငံသည် နိုင်ငံတကာခရီးသွားဧည့်သည် ၁.၂ သန်းကျော်ကို လက်ခံရရှိခဲ့ကြောင်း Tech မှ ဆက်လက်ပြောကြားခဲ့သည်။
Source: Khmer Times
DOCA(ရန်ကုန်)