ကမ္ဘောဒီးယားနိုင်ငံသည် ကားသစ်များဝယ်ယူမှုအား အားပေးရန် ကားဟောင်းများ တင်သွင်းမှုကို တားမြစ်ရန် မူဝါဒမရှိကြောင်း ဝန်ကြီးချုပ် ပြောကြား

    ၂၂-၄-၂၀၂၅ ရက်နေ့နံနက်ပိုင်းတွင် Pursat ပြည်နယ်ရှိ Ford ကားထုတ်လုပ်ရေးလိုင်း အသစ်နှင့် စက်ရုံဖွင့်ပွဲအခမ်းအနားတွင် ကမ္ဘောဒီးယားဝန်ကြီးချုပ် Hum Manet က ကမ္ဘောဒီးယားအစိုးရသည် နိုင်ငံသားများအား မော်တော်ကားအသစ်ဝယ်ယူရန် တစ်ပတ်ရစ် ကားများ တင်သွင်းခြင်းအား အတင်းအကြပ် တားမြစ်သည့်မူဝါဒမရှိကြောင်း ရှင်းလင်း ပြောကြားခဲ့သည်။ ဝန်ကြီးချုပ်က ကမ္ဘောဒီးယားတွင် ကားထုတ်လုပ်သူများနှင့် တပ်ဆင် ထုတ်လုပ်သူများကို အားပေးခြင်းဖြင့် ပြည်သူများအတွက် စျေးနှုန်းသက်သာပြီး အရည်အသွေးမြင့် ကားသစ်ရွေးချယ်မှုများကို ပံ့ပိုးပေးမည်ဖြစ်ကြောင်း ဝန်ကြီးချုပ်က ပြောကြားခဲ့သည်။ ပြည်သူများအား ကားအသစ်ဝယ်ရန် ကားဟောင်းတွေ တင်သွင်းတာကို အတင်းအကြပ်တားမြစ်သောမူဝါဒကို ပြဌာန်းဖို့ အလိုအပ်ကြောင်းနှင့် ပြည်သူများအတွက် ရွေးချယ်ခွင့်များ ပေးထားကြောင်းပြောကြားခဲ့သည်။ အာဆီယံဒေသတွင်း နိုင်ငံအချို့သည် တစ်ပတ်ရစ် မော်တော်ယဉ်များ တင်သွင်းခွင့်ကို ပိတ်ပင်ထားသော်လည်း ကမ္ဘောဒီးယားသည် မတူညီသော ချဉ်းကပ်မှုကို ရွေးချယ်ခဲ့ကြောင်း ဒေါက်တာ ဟွန်မာနက်က ပြောကြားခဲ့သည်။ လုံခြုံရေးနှင့် အရည်အသွေးသေချာစေရန်အတွက် တင်သွင်းလာသော မော်တော်ယာဉ်များ၏ နည်းပညာဆိုင်ရာ သတ်မှတ်ချက်များကို မှန်ကန်စွာစစ်ဆေးခြင်းအပေါ် အလေးထားကြောင်း ဆက်လက်ပြောကြားခဲ့သည်။ ဤထုတ်ပြန်ချက်သည် နိုင်ငံသားများ၏ အကျိုးစီးပွားနှင့် ရွေးချယ်မှုများကို ထည့်သွင်းစဉ်းစားကာ စီးပွားရေးတိုးတက်မှုနှင့် ရေရှည်တည်တံ့သော ဖွံ့ဖြိုးတိုးတက်မှုအတွက် မော်တော်ကားလုပ်ငန်းတွင် ရင်းနှီးမြှုပ်နှံမှုကို မြှင့်တင်ပေးသည့် ကမ္ဘောဒီးယားတော်ဝင်အစိုးရ၏ မူဝါဒကို ထင်ဟပ်စေခဲ့သည်။

Source: Khmer Times

DOCA(ရန်ကုန်)