အင်ဒိုနီးရှားနှင့် ဒိန်းမတ်တို့သည် အစိမ်းရောင်စွမ်းအင်ပူးပေါင်းဆောင်ရွက်မှု နားလည်မှု သဝဏ်လွှာလက်မှတ်ရေးထိုးခဲ့ကြောင်း သိရပါသည်။ စွမ်းအင်နှင့်သယံဇာတအရင်းအမြစ်ဝန်ကြီး Bahlil Lahadalia က ထိုလက်မှတ်ရေးထိုးမှုသည် လွန်ခဲ့သည့်ဆယ်နှစ်ကပူးပေါင်းဆောင်ရွက်မှု ကိသက်တမ်းတိုးခဲ့ခြင်းဖြစ်ကြောင်းနှင့် ပထဝီနိုင်ငံရေးနှင့် ပထဝီစီးပွားရေးမသေချာမရေရာမှုများက နိုင်ငံများအား ၎င်းတို့၏ပူးပေါင်းဆောင်ရွက်ရန်မိတ်ဖက်များကို စဉ်းစားရွေးချယ်လာစေခဲ့ကြောင်း ပြောကြားခဲ့ပါသည်။ ရာသီဥတုဖောက်ပြန်မှုကိုကာကွယ်ရန် အကောင်အထည်ဖော်ထားသည့် ပဲရစ်သဘောတူညီချက်မှ အမေရိကန်နှုတ်ထွက်ပြီးနောက် နိုင်ငံများသည်အာမခံချက်နှင့် ပတ်သတ်၍ မေးခွန်းများထွက်ပေါ်ခဲ့ကြောင်း သိရပါသည်။ တစ်ချိန်တည်းမှာပင် ဒိန်းမတ် နိုင်ငံခြားရေးရာဝန်ကြီး Lars Lokke Rasmussen က ၎င်းတို့၏ ဆယ်နှစ်တာပူးပေါင်းဆောင်ရွက် မှုသည် ရှေ့ဆက်မဟာဗျူဟာမြောက်ပူးပေါင်းဆောင်ရွက်မှုတည်ထောင်ရန် လမ်းကြောင်းပေးခဲ့ကြောင်း၊ အစိမ်းရောင်စီးပွားရေးဖွံ့ဖြိုးတိုးတက်မှုကိုပံ့ပိုးပေးမည့် စွမ်းအင်အသွင်ကူးပြောင်းမှု သည် အခွင့်အလမ်းများကိုဖန်တီးပေးရုံသာမက ဘဏ္ဍာရေးပါဝင်သည့်စိန်ခေါ်မှုများလည်း ရှိကြောင်းနှင့် ဒိန်းမတ်သည်ပူးပေါင်းဆောင်ရွက်မှုမှတစ်ဆင့် အင်ဒိုနီးရှားကိုပံ့ပိုးပေးမည် ဖြစ်ကြောင်း ပြောကြားခဲ့ပါသည်။
Ref.. Antara News
DOCA (ရန်ကုန်)