၂၅.၄.၂၀၂၅ ရက်နေ့ နံနက်(၁၀:၀၀)နာရီမှစ၍ မြို့နယ်အထွေထွေအုပ်ချုပ်ရေးဦးစီးဌာန၏ ဦးဆောင်မှုဖြင့် လှည်းကူးမြို့နယ်အတွင်းရှိ ဘိလပ်မြေအရောင်းဆိုင်များသို့ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။
ထိုသို့ ဆောင်ရွက်ခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာနမှ ဦးရဲထွန်းနောင်၊ မြို့နယ်အုပ်ချုပ်ရေးမှူး၊ ခရိုင်ရဲမှူးကြီး ဦးညီညီပွေး၊ အထူးစုံစမ်းစစ်ဆေးရေးဦးစီးဌာနမှ ဦးကျော်ကျော်အောင်(အမှုစစ်)၊ စားသုံးသူရေးရာဦးစီးဌာနမှ ဦးထွန်းထွန်းဦး၊ ဒုကြီးကြပ်ရေးမှူးနှင့် မြို့နယ်စည်ပင်သာယာအုပ်ချုပ်ရေးမှူးရုံးမှ ဦးဇော်ဝင်းထွန်း(အမှုဆောင် အရာရှိ) တို့ပူးပေါင်းပါဝင်လျက် ဇရပ်ကွင်းအိမ်ဆောက်ပစ္စည်းဆိုင်နှင့် ကြီးပွားတိုးအိမ်ဆောက် ပစ္စည်းဆိုင်များတွင် ဈေးနှုန်းမြှင့် တင်ရောင်းချခြင်းရှိ/မရှိ၊ အခြားအိမ်ဆောက်ပစ္စည်းများလည်း ပြတ်လပ်မှုရှိ/မရှိနှင့် ပစ္စည်းများအား သိုလှောင်ထားခြင်းများ မရှိစေရန် အသိပညာပေး ပြောကြားခဲ့ကြောင်း သိရှိရပါသည်။
DOCA(ရန်ကုန်)