(၂၉.၄.၂၀၂၅)ရက်နေ့၊ နံနက်(၀၉:၃၀)အချိန်တွင် ဒဂုံမြိုသစ်ခရိုင်၊ ဒဂုံမြို့သစ် (ဆိပ်ကမ်း) မြို့နယ်၊ အထွေထွေအုပ်ချုပ်ရေးဦးစီးဌာနရုံး၊ အစည်းအဝေးခန်းမ၌ မြို့နယ်အတွင်းရှိ အိမ်ဆောက် ပစ္စည်း(ဘိလပ်မြေ၊ အုတ်၊ သဲ၊ ကျောက်၊ သံ)အရောင်းဆိုင် ပိုင်ရှင်/ တာဝန်ခံများအားကို စားသုံးသူရေးရာဦးစီးဌာန၊ မြို့နယ်စည်ပင်၊ အထူးစုံစမ်းစစ်ဆေးရေးဦးစီးဌာနတို့မှ တာဝန်ရှိသူများ က ခေါ်ယူတွေ့ဆုံဆွေးနွေး အသိပညာပေးခဲ့ကြောင်း သိရှိရပါသည်။
ခေါ်ယူတွေ့ဆုံဆွေးနွေး အသိပညာပေးပြောကြားရာတွင် ဘိလပ်မြေနှင့် အိမ်ဆောက် ပစ္စည်းများကို ဝယ်ရင်းဈေးထက် အမြတ် (၁၀)ရာခိုင်နှုန်းထိသာ ရောင်းချသွားရန်၊ အိမ်ဆောက် ပစ္စည်းအရောင်းဆိုင်များအနေဖြင့် ဘိလပ်မြေနှင့် အိမ်ဆောက်ပစ္စည်းများအား ရည်ရွယ်ချက်ဖြင့် ပစ္စည်းများ သိုလှောင်ထားခြင်း၊ ဈေးနှုန်းမြှင့်တင် ရောင်းချခြင်း၊ ပစ္စည်းများရှိသော်လည်း ရောင်းချမှုမရှိခြင်းတို့ကို မပြုလုပ်ရန်နှင့် ပြုလုပ်ဆောင်ရွက်ပက တည်ဆဲဥပဒေများနှင့်အညီ အရေးယူဆောင်ရွက်ခြင်းခံရမည်ကို သိရှိပါကြောင်း ဝန်ခံကတိပြု လက်မှတ်ရေးထိုးခဲ့ခြင်းတို့ကို အသိပညာပေးခြင်းများ ဆောင်ရွက်ခဲ့ကြကြောင်း သိရှိရပါသည်၊၊
DOCA(ရန်ကုန်)