အမေရိကန်သည် ကာတာနှင့် ဒေါ်လာ ၂၄၃.၅ ဘီလီယံ သဘောတူညီချက်များကို ကြေညာခဲ့

             အမေရိကန်ပြည်ထောင်စုသည် ကာတာနှင့် စုစုပေါင်း အမေရိကန်ဒေါ်လာ ၂၄၃.၅ ဘီလီယံကျော် သဘောတူညီချက်များကို ဗုဒ္ဓဟူးနေ့တွင် ကြေညာခဲ့ပြီး ပင်လယ်ကွေ့အာရပ် နိုင်ငံနှင့် သဘောတူညီချက်များ ဆက်တိုက်ပြုလုပ်ပါက အနည်းဆုံး ဒေါ်လာ ၁.၂ ထရီလီယံ တန်ဖိုးရှိ စီးပွားရေး ဖလှယ်မှုတစ်ရပ်ကို ဖော်ဆောင်နိုင်လိမ့်မည်ဟု ပြောကြားခဲ့သည်။ Boeing နှင့် GE Aerospace တို့သည် Qatar Airways မှ Boeing 787 Dreamliner နှင့် GE Aerospace အင်ဂျင်များ မောင်းနှင်သော 777X လေယာဉ် အစင်းရေ ၂၁၀ အထိ ရောင်းချရန် ဒေါ်လာ ၉၆ ဘီလီယံတန်ဖိုးရှိ သဘောတူညီချက် ကို ရရှိခဲ့ကြောင်း အိမ်ဖြူတော်က သတင်းထုတ်ပြန်ခဲ့သည်။ ကာကွယ်ရေး၊ ထောက်လှမ်းရေးနှင့် အခြေခံအဆောက်အအုံ အင်ဂျင်နီယာကုမ္ပဏီ Parson သည် ကာတာတွင် ဒေါ်လာ ၉၇ ဘီလီယံအထိ တန်ကြေးရှိသော ပရောဂျက် အခုရေ ၃၀ ကို ရရှိခဲ့ပြီး စွမ်းအင်ဝန်ဆောင်မှုကုမ္ပဏီ McDermott က ဒေါ်လာ ၈.၅ ဘီလီယံတန်ဖိုးရှိ ပရောဂျက်ခုနစ်ခုကို အာမခံခဲ့သည်။ Quantuum သည် ထင်ရှားသော ကာတာကုမ္ပဏီ Al Rabban Capital နှင့် ဖက်စပ်သဘောတူညီချက်ကို အပြီးသတ်ခဲ့ပြီး အမေရိကန် ပြည်ထောင်စု တွင် ခေတ်မီဆန်းသစ်သော ကွမ်တမ်နည်းပညာများနှင့် လုပ်သားအင်အား ဖွံ့ဖြိုးတိုးတက်မှုတွင် ဒေါ်လာ ၁ ဘီလီယံအထိ ရင်းနှီးမြှုပ်နှံခဲ့ကြောင်း သတင်းထုတ်ပြန်ချက် အရသိရသည်။ အမေရိ ကန်သမ္မတ ဒေါ်နယ်ထရန့်သည် အင်္ဂါနေ့က ဆော်ဒီအာရေဗျနိုင်ငံသို့ သွားရောက်ပြီးနောက် ၎င်း၏ အရှေ့အလယ်ပိုင်းခရီးစဉ် ဒုတိယနေ့တွင် ကာတာနိုင်ငံ ဒိုဟာသို့ ဗုဒ္ဓဟူးနေ့က ဆိုက်ရောက်ခဲ့ သည်။ ၂၀၂၂ ခုနှစ်တွင် ကာတာသည် ဘာရိန်းနှင့် ကူဝိတ်ပြီးလျှင် အမေရိကန်က နေတိုးမဟုတ်သော အဓိကမဟာမိတ်အဖြစ် သတ်မှတ်ခြင်းခံရသည့် ပင်လယ်ကွေ့ဒေသရှိ တတိယ‌‌မြှောက်‌နိုင်ငံဖြစ်လာခဲ့သည်။

Source : Xinhua

DOCA(ရန်ကုန်)