၂၀၂၄ အောက်တိုဘာလက မီးလောင်ကျွမ်းမှုကြောင့် လုပ်ငန်းများရပ်ဆိုင်းသွားပြီးနောက် အရှေ့ဂျားဗားပြည်နယ်ရှိ PT Freeport Indonesia (PTFI) အရည်ကျိုစက်ရုံမှ ကြေးနီကတ်သုဒ် ထုတ်လုပ်မှုကို ဇွန်လတွင် ပြန်လည်စတင်မည်ဖြစ်ကြောင်း အကြီးတန်းအရာရှိတစ်ဦး၏ ပြောကြားချက်အရသိရသည်။ PTFI President Director Tony Wenas မှ Gresik Regency အခြေစိုက်အရည်ကျိုစက်ရုံသည် ယခုလုပ်ငန်းလည်ပတ်နေပြီဖြစ်ပြီး ဇွန်လစတုတ္တအပတ်တွင် စတင်ထုတ်လုပ်တော့မည်ဖြစ်ကြောင်း ပြောကြားခဲ့သည်။ မူလက အဆိုပါ စက်ရုံသည် ဇွန်လ တတိယပတ်တွင် စတင်ထုတ် လုပ်နိုင်ရန်စီစဉ်ထားကြောင်း အခြားစီမံခန့်ခွဲရေးဝန်ထမ်းများနှင့် အတူ လုပ်ငန်းစဉ်များကို ကြီးကြပ်ရန်နှင့် ၎င်း၏ လည်ပတ်မှုကို ချောမွေ့စေရန်အတွက် Gresik Regency သို့ သွားရောက်ခဲ့ကြောင်းမှတ် ချက်ပြုခဲ့သည်။ ကုမ္ပဏီ၏ ထိပ်တန်းအရာရှိများ သွားရောက်မှုသည် ၂၀၂၄ အောက်တိုဘာ ၁၄ ရက် က မဖြစ်မနေရပ်နားလိုက်ရသော အဖြစ် အပျက်ပြီးနောက် PTFI ၏ အရည်ကျိုချက်မှု ချော့မွေ့စွာ လည်ပတ်မှုရှိသည်ကို အတည်ပြုရန် အတွက်ဖြစ်ကြောင်း Tony မှ ဆက်လက်ပြောကြားခဲ့သည်။ သူ၏ အဆိုအရ PTFI အရည်ကျို စက်ရုံသည် လက်ရှိ ၄၀ ရာခိုင်နှုန်းမှ ဒီဇင်ဘာလတွင် စွမ်းဆောင်ရည်အပြည့် တဖြည်းဖြည်း တိုးမြင့်ထုတ်လုပ်နိုင်မည်ဟု မျှော်လင့်ထားကြသည်။
Source : Xinhua DOCA(ရန်ကုန်)