အီရန်သည် ၎င်း၏မြေဆီလွှာတွင် ယူရေနီယံသန့်စင်မှုကို ဆက်လက်လုပ်ဆောင်မည်

               အီရန်နိုင်ငံသည် ဒေသတွင်း ယူရေနီယံ သန့်စင်ရေးစင်တာ ဖွင့်လှစ်ခြင်းကို ကြိုဆိုသော် လည်း ၎င်း၏မြေဆီလွှာတွင် ယူရေနီယံသန့်စင်မှုကို ဆက်လက်လုပ်ဆောင်သွားမည်ဖြစ်ကြောင်း အီရန်နိုင်ငံခြားရေးဝန်ကြီး Seyed Abbas Araghchi က မေလ ၂၅ ရက်နေ့တွင် ပြောကြားခဲ့ သည်။ အီရန်ပါလီမန်၏ အမျိုးသားလုံခြုံရေးနှင့် နိုင်ငံခြားရေးမူဝါဒရေးရာ ကော်မတီအဖွဲ့ဝင်များ နှင့် တွေ့ဆုံရာတွင် အီရန်-အမေရိကန် သွယ်ဝိုက်သော ဆွေးနွေးပွဲများနှင့် ပတ်သက်၍ အီရန် ဘက်မှ ညှိနှိုင်းရေး စားပွဲဝိုင်းမှ ဘယ်သောအခါမှ မထွက်ခွာဘဲ သံတမန်လမ်းကြောင်းအတိုင်း ဆက်လက်လုပ်ဆောင်သွားမည်ဖြစ်ကြောင်း ပြောကြားခဲ့သော်လည်း ဖိအားအောက်တွင် ညှိနှိုင်း မည်မဟုတ်ကြောင်း တရားဝင်သတင်းအေဂျင်စီ IRNA က ဖော်ပြခဲ့သည်။ E3 ဟုခေါ်သော ပြင်သစ်၊ ဂျာမနီနှင့် ဗြိတိန်တို့ စုပေါင်းကာ snapback ယန္တရားကို အစပျိုးပြီး ပိတ်ဆို့အရေးယူမှု များ ပြန်လည်ချမှတ်ပါက ပြင်းထန်သော တုံ့ပြန်မှုကိုလည်း ၎င်းက သတိပေးခဲ့သည်။ ယင်း ယန္တရားသည် အီရန်နှင့် ဗြိတိန်၊ တရုတ်၊ ပြင်သစ်၊ ဂျာမနီ၊ ရုရှားနှင့် အမေရိကန်တို့ကြား လက်မှတ် ရေးထိုးထားသည့် ပူးတွဲ ဘက်စုံအစီအစဉ် (JCPOA) ဟုခေါ်သော ၂၀၁၅ နျူကလီးယားသဘော တူညီချက်တွင် ပါ၀င်သည့် အပိုဒ်ဖြစ်သည်။ အဆိုပါ ယန္တရားသည် တီဟီရန် သဘောတူညီချက်ကို လိုက်နာရန် ပျက်ကွက်ပါက နိုင်ငံတကာ ဒဏ်ခတ်ပိတ်ဆို့မှုများအားလုံးကို ပြန်လည်ချမှတ်နိုင် မည်ဖြစ်သည်။ အီရန်နှင့် အမေရိကန်တို့သည် တီဟီရန်၏နျူကလီးယားအစီအစဉ်နှင့် အမေရိကန် ၏ ဒဏ်ခတ်ပိတ်ဆို့မှုများ ရုတ်သိမ်းရေး ဧပြီလမှစတင်ကာ အိုမန်နိုင်ငံမှ ကြားဝင်ဖျန်ဖြေပေး သည့် သွယ်ဝိုက်သောနည်းဖြင့် ဆွေးနွေးမှု ငါးကြိမ်ပြုလုပ်ခဲ့ပြီး ၎င်းတို့အနက် အိုမန်နိုင်ငံ မူစကတ် တွင် ၃ ကြိမ်နှင့် ရောမမြို့တွင် ၂  ကြိမ်ပြုလုပ်ခဲ့သည်။ မကြာသေးမီ ရက်ပိုင်းအတွင်းက အမေရိ ကန် တာဝန်ရှိသူများက အီရန်အား ယူရေနီယံသန့်စင်မှု လုံးဝရပ်ဆိုင်းရန် အကြိမ်ကြိမ် တောင်းဆို ခဲ့ပြီး တောင်းဆိုမှုအား အီရန်ဘက်မှ ပြတ်ပြတ်သားသား ပယ်ချခဲ့သည်။

DOCA(ရန်ကုန်)