ရှမ်းပြည်နယ်(တောင်ပိုင်း)၊ လွိုင်လင်မြို့အနီး ပတ်ဝန်းကျင်ရှိကျေးရွာများတွင်နေထိုင်ကြသော ဒေသခံပြည်သူများ ထင်းရှူးမှိုရှာရောင်းချသူများမှာ အပိုဝင်ငွေရရှိပြီး မိသားစုစားဝတ်နေရေး အဆင်ပြေလျှက်ရှိကြောင်း သိရပါသည်။
လွိုင်လင်မြို့သည် ပင်လယ်ရေမျက်နှာပြင်အထက် ၄၄၄၇ ပေတည်ရှိပြီး တောင်ပေါ်ဒေသ မြို့တစ်မြို့ဖြစ်ရာ ထင်းရှူးပင်ပေါများကာ ယခုလို မိုးရာသီ ဝါဆို၊ ဝါခေါင် ကာလတွင် ထင်းရှူးမှို (ဒေသခေါ် ဂျီမှို) များစွာ ပေါက်ရောက်ကြသည်။ ထင်းရှူးမှို၏ အရသာမှာ အနည်းငယ်ဖန်ပြီး ချိုစိမ့်သောအရသာရှိသည့်မှိုအမျိုးအစားဖြစ်ရာ ဒေသခံများကကြိုက်နှစ်သက်ကြသည်။ ထင်းရှူး မှို ရှာဖွေရောင်းချသူတစ်ဦးက ယခုလို နေပူလိုက်မိုးရွာလိုက်အချိန်မှာ ထင်းရှူးမှိုအများအပြား ထွက် ရှိကြောင်း၊ နံနက်(၅) နာရီခန့်တွင် မှိုရှာထွက်ပြီး ရရှိသောမှိုများကို ထုတ်ပိုးကာ မြို့မဈေး နှင့် ညဈေးတန်းတွင် ရောင်ချကြကြောင်း၊ တစ်ပိဿာလျှင် ၆၀၀ဝိ/- ကျပ်မှ ၇၀၀ဝိ/- ကျပ်ထိ ရောင်းချကြကြောင်း၊ တစ်နေ့လျှင် နှစ်သောင်းကျပ်မှ သုံးသောင်းကျပ်ထိ ဝင်ငွေရရှိပါကြောင်း၊ ယခုလို ထင်းရှူးမှို(ဒေသခေါ် ဂျီမှို) ထွက်သည့် ကာလအတွင်း နေ့စဉ် အပိုဝင်ငွေရရှိပြီး မိသားစု စားဝတ်နေရေး အဆင်ပြေလျှက်ရှိကြောင်း သတင်းရရှိပါသည်။
DOCA(ရှမ်း)