စားသုံးသူရေးရာဦးစီးဌာန၊ မုံရွာခရိုင် ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်းများသည် (၂၁.၇.၂၀၂၂) ရက်နေ့တွင် မုံရွာမြို့ပေါ်ရှိ စိုပြေ၊ ရေချမ်း၊ နီလာနှင့် ထွန်းဆေးဆိုင်များသို့ သွားရောက်၍ ကိုဗစ်-၁၉ နှင့်သက်ဆိုင်သော အသုံးအဆောင်နှင့် ဆေးဝါးပစ္စည်းများ ဈေးကွက် အတွင်း ဖြန့်ဖြူးရောင်းချနေမှု အခြေအနေများအား ဈေးကွက်စောင့်ကြည့်စစ်ဆေးခဲ့ပါသည်။
ထိုသို့ဈေးကွက်စောင့်ကြည့်စစ်ဆေးရာတွင် ဒု-ခရိုင်ဦးစီးမှူးက ဆေးဆိုင်ပိုင်ရှင်များအား ယခု အချိန်အခါ၌ အချို့နိုင်ငံများတွင် ကိုဗစ်-၁၉ BA-4၊ BA-5 ရောဂါများကူးစက်ပြန့်ပွားနေကြောင်း၊ မိမိတို့ နိုင်ငံတွင်လည်း ကူးစက်မှုရောက်လာနိုင်သည့်အတွက် ပြည်သူများအနေဖြင့် စိုးရိမ်စိတ်များကာ ဆေးဝါးများ ကြိုတင်ဝယ်ယူစုဆောင်းလာနိုင်ကြောင်း၊ ထိုသို့ဝယ်ယူလာပါက လုပ်ငန်းရှင်များအနေဖြင့် ဝယ်လိုအားများလာ၍ ဈေးကစားရန်ရည်ရွယ်ချက်ဖြင့် ဆေးများသိုလှောင်ထားခြင်းမပြုရန် လိုအပ် ကြောင်း၊ လိုအပ်သောဆေးဝါးများကို ပုံမှန်ရောင်းချပေးစေလိုကြောင်း၊ ဆေးဝါးများဝယ်ယူရာတွင်လည်း ကုန်စည်စီးဆင်းမှု လွယ်ကူစေရန် အခက်အခဲများရှိပါက တင်ပြပေးစေလိုကြောင်းနှင့် မိမိတို့ဌာနမှ သက်ဆိုင်ရာအဆင့်ဆင့်သို့ တင်ပြ၍ ပူးပေါင်းကူညီဆောင် ရွက်ပေးမည်ဖြစ်ကြောင်း ဆွေးနွေး ပြောကြားခဲ့ပါသည်။
ထို့နောက် ဆေးဆိုင်များ၏ လက်ရှိဖြစ်ပေါ်နေသော ဆေးနှင့်ဆေးပစ္စည်းများ၏ မြေပြင် ဈေးနှုန်းဈေးကွက်အခြေအနေ၊ တစ်ပတ်အတွင်းရောင်းချနိုင်မှု၊ လက်ကျန်နှင့်လိုအပ်ချက်အခြေအနေ များကို ဆွေးနွေးမေးမြန်းခဲ့ကြကြောင်း သတင်းရရှိပါသည်။
DOCA(စစ်ကိုင်း)