ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင် ညောင်တုန်းမြို့ နယ်ဦးစီးမှူးရုံးနှင့် မအူပင်ခရိုင်၊ ညောင်တုန်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန တို့ ပူးပေါင်း၍ မြို့နယ်ပြန်ကြားရေးနှင့် ပြည်သူ့ဆက်ဆံရေး Communit Center ခန်းမ၌ စားသုံးသူအသိပညာပေး Talk Showကို ဇူလိုင်လ ၂၅ ရက်နေ့ မွန်းလွဲ ၃နာရီက ကျင်းပပြု လုပ်ခဲ့ ကြပါသည်။
ထိုသို့ ကျင်းပပြုလုပ်ရာတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်တင်လှိုင် ဦးစီးအရာရှိ၊ ဒုတိယဦးစီးမှူး ဒေါ်အမာရှိုန်နှင့် မြို့နယ်စားသုံးသူ ရေးရာဦးစီးဌာနမှ မြို့နယ်ဦးစီးမှူး ဦးအောင်လွင်တို့က Talk Show ကျင်းပပြုလုပ်ရခြင်း ရည်ရွယ်ချက်နှင့် လုပ်ငန်းဆောင်ရွက်ချက်များအကြောင်းကိုရှင်းလင်းပြေားကြားပြီး၊ စားသုံးသူရေး ရာဦးစီးဌာနမှလည်း စားသုံးသူများအနေဖြင့် အွန်လိုင်းမှတဆင့် ဝယ်ယူသုံးစွဲရာတွင် လိုက်နာရမည့် အချက်များ၊ မိုဘိုင်း(သို့) အွန်လိုင်းငွေကြေးဝန်ဆောင်မှုများ အသုံးပြုရာတွင် စားသုံးသူများ အနေ ဖြင့် သတိပြုရမည့် အချက်များ၊ စားသုံးသူများအနေဖြင့် ကုန်စည်နှင့် ဝန်ဆောင်မှုကို ဝယ်ယူ အသုံးပြုရာတွင်လည်းကောင်း၊ ထုတ်လုပ်ဖြန့်ဖြူးရောင်းချသည့် လုပ်ငန်းရှင်များ အနေဖြင့် လည်းကောင်း နစ်နာဆုံးရှုံးမှုရှိပါက ဆက်သွယ်ဆောင်ရွက်နိုင်သည့် လိပ်စာနှင့် ဖုန်းနံပါတ်များ စသည့် စားသုံးသူရေးရာအသိပညာပေး အကြောင်းများကို ဆွေးနွေးပြောကြားခဲ့ကြောင်း သတင်းရ ရှိပါသည်။
DOCA(ဧရာဝတီ)