၂၀၂၅ခုနှစ်၊ ဇွန်လ(၂၃)ရက်နေ့တွင် မြိတ်ခရိုင်စားသုံးသူရေးရာဦးစီးဌာနသည် ခရိုင်ကျန်းမာရေးဦးစီးဌာနတို့နှင့်ပူးပေါင်း၍ မြိတ်မြို့ပေါ်ရှိ ကုန်မျိုးစုံရောင်းချလျက်ရှိသော ကုန်တိုက်နှင့် စျေးဆိုင်များသို့ သွားရောက်၍ တုပထားသော Signal သွားတိုက်ဆေးများ စျေးကွက်တွင် ရောင်းချနေခြင်းရှိ/မရှိ စျေးကွက်စောင့်ကြည့်စစ်ဆေးခဲ့ကြပါသည်။
Signal Cavity Fighter Toothpaste 150g သွားတိုက်ဆေးသည် Unilever ကုမ္ပဏီမှ ကုန်အမှတ်တံဆိပ်မှတ်ပုံတင်ထားပြီး ပြည်တွင်းတွင် FDA ထောက်ခံချက်များဖြင့် ထုတ်လုပ် ရောင်းချသော ကုန်စည်ဖြစ်ကာ ယခုအချိန်တွင် ၎င်းသွားတိုက်ဆေးအတုများ စျေးကွက်တွင် ရောက်ရှိနေကြောင်းသိရှိရသဖြင့် ကွင်းဆင်းစစ်ဆေးခဲ့ကြောင်း သိရှိရပါသည်။ ထိုနောက် ဘေးအန္တရာယ်ကင်းသော ကုန်စည်များရောင်းချရန်နှင့် ကုန်အညွှန်းအမှတ်အသားဖော်ပြပါရှိသော ကုန်စည်များ ရောင်းချရန် ပြောကြားခဲ့ပြီး လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။
DOCA(တနင်္သာရီ)