တောင်ငူမြို့တွင် စက်သုံးဆီဈေးနှုန်း အနည်းငယ်ကျဆင်း

         စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ တောင်ငူခရိုင်ဦးစီးမှူးရုံးမှ စားသုံး/ ထုတ်လုံတာဝန်ခံ ဦးမင်းဇော်နှင့် မြို့နယ်တာဝန်ခံ ဦးမြင့်သူတို့သည် တောင်ငူမြို့နယ်ရှိ စက်သုံးဆီ အရောင်းဆိုင်များအား ဈေးနှုန်းအတက်အကျကို အခါအားလျော်စွာ ကွင်းဆင်းလေ့လာခဲ့ပါသည်။

        ယခင်လတွင်  စက်သုံးဆီဈေးနှုန်းများမှာ 92 RON တစ်လီတာလျှင် ၂၂၈၅ ကျပ်၊ 95 RON တစ်လီတာလျှင် ၂၃၈၅ ကျပ်၊ ဒီဇယ် တစ်လီတာလျှင် ၂၇၀၀ ကျပ်နှင့် ပရီမီယံဒီဇယ် တစ်လီတာလျှင် ၂၇၂၅ ကျပ်အထိရှိခဲ့ပြီး ယခုလ လက်ရှိဈေးနှုန်းမှာ 92 RON တစ်လီတာလျှင် ၁၇၃၀ ကျပ်၊ 95 RON တစ်လီတာလျှင် ၁၇၉၅ ကျပ်၊ ဒီဇယ် တစ်လီတာလျှင် ၂၀၁၅ ကျပ်နှင့် ပရီမီယံဒီဇယ် တစ်လီတာလျှင် ၂၀၇၀ ကျပ်ရှိပါသည်။

         သို့ဖြစ်ရာ စက်သုံးဆီဈေးနှုန်းမှာ 92 RON တစ်လီတာလျှင် ၅၅၅ ကျပ်၊ 95 RON တစ်လီတာလျှင် ၅၉၀ ကျပ်၊ ဒီဇယ် တစ်လီတာလျှင် ၆၈၅ ကျပ်နှင့် ပရီမီယံဒီဇယ် တစ်လီတာလျှင် ၆၅၅ ကျပ်အထိ ဈေးလျော့သွားကြောင်း လေ့လာချက်များအရ သိရှိရပါသည်။

DOCA(ပဲခူး)