စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ စစ်ဆေးရေးအရာရှိဒေါ်ဖြူသဲနွယ် (လက်ထောက်ညွှန်ကြားရေးမှူး) နှင့် ဦးမျိုးထွန်း(ဦးစီးအရာရှိ) ဦးဆောင်သည့် စစ်ဆေးရေးအရာရှိများ အဖွဲ့သည် ၂၃-၆-၂၀၂၅ ရက်နေ့ နံနက်(၁၀:၃၀) နာရီအချိန်တွင် မန္တလေးတိုင်းဒေသကြီး၊ ချမ်းအေးသာစံမြို့နယ် နှင့် မဟာအောင်မြေ မြို့နယ်ရှိ လူသုံးကုန်ပစ္စည်းအရောင်းဆိုင်များသို့ Signal သွားတိုက်ဆေးအတုများတင်သွင်းဖြန့်ဖြူး ရောင်းချနေခြင်းရှိ/မရှိအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြပါသည်။ ထိုသို့စစ်ဆေးရာတွင်လူသုံးကုန်ပစ္စည်းအရောင်းဆိုင်များတွင် "Signal" အမှတ်တံဆိပ်သွားတိုက် ဆေး Signal Cavity Fighter Toothpaste 150g နှင့် စပ်လျဉ်း၍ ကုန်စည်အတုများ ရောင်းချ နေခြင်းရှိ/မရှိကိုSignalအမှတ်တံဆိပ်ကုန်ပစ္စည်းအစစ်နှင့်တိုက်ဆိုင်စစ်ဆေးခဲ့ရာSignalသွားတိုက် ဆေးအတုများ ရောင်းချနေခြင်းမရှိကြောင်း စစ်ဆေးတွေ့ရှိခဲ့ရပြီး လုပ်ငန်းရှင်များအားလည်း စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏တာဝန်များ ၊တားမြစ်ချက်များနှင့် အခန်း(၁၈)ပါ ကုန်ပစ္စည်းထုပ်ပိုးမှုပေါ်တွင် ကုန်အညွှန်းအမှတ်အသား ဖော်ပြခြင်းဆိုင်ရာ အချက် အလက်များနှင့် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ အချက်အလက်များအား အကျယ်တဝင့် ရှင်းလင်းပြောကြားခဲ့ပြီး ဥပဒေပါပြဋ္ဌာန်းချက်များကို လည်း သိရှိလိုက်နာ ဆောင်ရွက်ရန် လိုအပ်ကြောင်း အသိပညာပေးဆွေးနွေး၍ လိုက်နာမှုမရှိပါက အရေးယူဆောင်ရွက်သွားမည့် အခြေအနေများအား အသိပေးခဲ့ကာ လက်ကမ်း စာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(မန္တလေး)