စားသုံးသူရေးရာဦးစီးဌာန၊ ရခိုင်ပြည်နယ်၊ စစ်တွေခရိုင်၊ ပုဏ္ဏားကျွန်းမြို့နယ်တာဝန်ခံ ဦးလှမောင်အေး (ဒု-ဦးစီးမှူး)နှင့်ဝန်ထမ်းများသည် (၂-၈-၂၀၂၂)ရက် နေ့လည်(၁:၀၀)နာရီ အချိန်တွင် နယ်စပ်ဒေသတိုင်းရင်းသား လူငယ်များစက်မှုလက်မှုသင်တန်းကျောင်းတွင် သင်တန်းသားများအား စားသုံးသူကာကွယ်ရေး အသိပညာပေး ဟောပြောပွဲ ဆောင်ရွက်ခဲ့ပါသည်။
အဆိုပါအသိပညာပေးဟောပြောပွဲတွင် စားသုံးသူရေးရာဦးစီးဌာန၊ ပုဏ္ဏားမြို့နယ်တာဝန်ခံ ဦးလှမောင်အေး(ဒု-ဦးစီးမှူး)မှ ဌာန၏မျှော်မှန်းချက်၊ ရည်မှန်းချက်များ၊ စားသုံးသူ အခွင့်အရေးနှင့် တာဝန်များ၊ အစားအသောက်များဝယ်ယူသုံးစွဲရာတွင် ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖော်ပြပါရှိသော ကုန်စည်များ၊ ထုတ်လုပ်သည့်ရက်စွဲ၊ သက်ဆိုင်ရာဌာန၏ ဘေးအန္တရာယ်ကင်းရှင်းကြောင်းပါရှိသော ကုန်စည်များကိုသာ ဝယ်ယူသုံးစွဲကြရန်နှင့် ဝန်ဆောင်မှု နှင့်ပတ်သက်၍လည်းကောင်း အစားအသောက်နှင့်ပတ်သက်၍လည်းကောင်း နစ်နာဆုံးရှုံးမှု ဖြစ်ပေါ်ပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ ( CICC) ရုံး ဖွင့်လှစ်ထားရှိရာ စစ်တွေခရိုင်ရုံးတွင် တိုင်ကြားနိုင်သလို www.doca.gov.mm တွင်လည်း ဝင်ရောက်တိုင်ကြားနိုင်ကြောင်း၊ Doca Myanmar မိုဘိုင်းဖုန်းအက်ပလီကေးရှင်းမှာလည်း တိုင်ကြား နိုင်ပါကြောင်း ဟောပြောဆွေးနွေးခဲ့ပါသည်။
DOCA(ရခိုင်)