စားသုံးသူရေးရာဦးစီးဌာန၊ ကယားပြည်နယ်ဦးစီးမှုးရုံးမှ ပြည်နယ်ဦးစီးမှူးသည် ၂၀၂၂ ခုနှစ်၊ ဩဂုတ်လ(၄)ရက်နေ့၊ နံနက်(၁၀:၀၀)နာရီအချိန်တွင် လွိုင်ကော်မြို့၊ ဒေါဥခူရပ်ကွက်ရှိ လာဘ်မီးအိမ် စားသောက်ဆိုင်၌ ပြည်နယ်ဆန်၊ စပါးရောင်းဝယ်ရေး ဈေးနှုန်းဈေးကွက် အခြေအနေနှင့် စပ်လျဉ်း၍ ပြည်နယ်ဆန်စပါးရောင်းဝယ်ရေးလုပ်ငန်းရှင်(၁၃)ဦးနှင့် တွေ့ဆုံ ဆွေးနွေးခြင်း ဆောင်ရွက်ခဲ့ပါသည်။
အဆိုပါ တွေ့ဆုံဆွေးနွေးပွဲတွင် စားသုံးသူရေးရာဦးစီးဌာန ပြည်နယ်ဦးစီးမှူးက စီးပွားရေးလုပ်ငန်းရှင်များ၏ တာဝန်များ၊ ထုတ်ကုန်လုံခြုံစိတ်ချရမှုနှင့်စပ်လျဉ်း၍ ဌာနမှဆောင်ရွက်ပေးနေသည့်ကိစ္စရပ်များအားလည်းကောင်း၊ ပြည်တွင်းကုန်သွယ်မှု ဖွံ့ဖြိုးတိုးတက်ရေးအတွက် ဌာနမှ ဆန် အရည်အသွေးမြင့်မားရေး၊ မျိုးကောင်းမျိုးသန့်များ စိုက်ပျိုးထုတ်လုပ်ဖြန့်ဖြူးရေးတို့အတွက် အသိပညာပေးနေမှုများအားလည်းကောင်း ရှင်းလင်းဆွေးနွေးခဲ့ပြီး၊ ဆန်စပါးရောင်းဝယ်ရေး လုပ်ငန်းရှင်များအနေဖြင့် ဆန်ပြတ်လပ်မှုမရှိစေရေးနှင့် ဈေးနှုန်းတည်ငြိမ်ရေးအတွက် သက်ဆိုင်ရာ အစိုးရဌာန၊ ကုန်သည်၊ လုပ်ငန်းရှင်၊ ဆန်စပါးအသင်းအဖွဲ့များ ဝိုင်းဝန်းပူးပေါင်းဆောင်ရွက်သွားရမည်ဖြစ်ကြောင်းနှင့် ဌာနအနေဖြင့် လိုအပ်သောအချက်အလက်များကို လိုအပ်သလို ပူးပေါင်းကူညီဆောင်ရွက်သွားမည်ဖြစ်ကြောင်း ဆွေးနွေးခဲ့ရာ တက်ရောက်လာသောလုပ်ငန်းရှင်များကလည်း လတ်တလောဒေသအခြေအနေအရ ဆန်ကြိတ်ခွဲစက်အချို့မှာရပ်နား ထားရကြောင်း၊ ဆန်သယ်ယူရာတွင်လည်း ယခုအခါလွယ်ကူမြန်ဆန်ကြောင်း၊ ဒေသထွက် စပါးများကိုလည်း လက်ရှိပေါက်ဈေးအတိုင်းသာ ဝယ်ယူလျက်ရှိကြောင်း၊ ဆန်ဈေးနှုန်း တည်ငြိမ်ရေးအတွက် အစိုးရဌာန၊ အသင်းအဖွဲ့များဖြင့် ချိတ်ဆက်ဆောင်ရွက်သွားမည်ဖြစ်ပြီး အသီးသီးပြန်လည်ဆွေးနွေးခဲ့ကြောင်း သတင်းရရှိပါသည်။
DOCA(ကယား)