“မိတ္ထီလာမြို့နယ်အတွင်းရှိ ပြည်သူများအား စားအုန်းဆီများဆက်လက်ရောင်းချပေးလျက်ရှိ”

            စားသုံးသူရေးရာဦးစီးဌာန ၊မန္တလေးတိုင်းဒေသကြီး၊ မိတ္ထီလာခရိုင်၊ မိတ္ထီလာမြို့နယ်တွင်  (၃၁.၇.၂၀၂၂) ရက်နေ့ နံနက် (၀၈:၃၀) အချိန်တွင် မိတ္ထီလာခရိုင်ဦးစီးမှူးမှ မြို့နယ်တာဝန်ခံနှင့်အဖွဲ့ သည် မိတ္ထီလာမြို့နယ် ဆီကုန်သည်နှင့် ဆီလုပ်ငန်းရှင်များအသင်းနှင့် ပူးပေါင်း၍ အိမ်ထောင်စုတစ်စု လျှင် တစ်ပိဿာနှုန်းဖြင့် စားသုံးဆီများအား ရောင်းချပေးခြင်း ဆောင်ရွက်ခဲ့ပါသည်။

          မိတ္ထီလာမြို့နယ် ဆီကုန်သည်နှင့်ဆီလုပ်ငန်းရှင်များအသင်းမှ ဒေသခံပြည်သူများ သက်သာ ချောင်ချိ‌ရေးအတွက် ရန်မျိုးအောင်စျေး၊ ပြည်သာယာစျေး၊ အောင်ဆန်းမြို့သစ်စျေးတို့တွင် တစ်ပိဿာ လျှင် သတ်မှတ်ရည်ညွှန်းစျေးနှုန်းဖြစ်သော (၄၂၀၀) ကျပ်ဖြင့် ပိဿာချိန် (၁၉၈၀) ပိဿာအား မိတ္ထီလာမြို့နယ်အတွင်းရှိ ပြည်သူများနှင့်မြို့နယ်ပတ်ဝန်းကျင်ရှိ ကျေးရွာများသို့ ရောင်းချပေးခဲ့ကြောင်း သိရှိရပါသည်။

DOCA(မန္တလေး)