ရက်စွဲ၊ ၄.၈.၂၀၂၂
စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့၊ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဘက်စုံသုံးခန်းမ၌ ( ၄.၈.၂၀၂၂ ) ရက်နေ့၊ နံနက် ( ၁၀:၀၀ ) နာရီအချိန်တွင် စားသုံးသူကာကွယ်ပေးရေး အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရသည်။
အဆိုပါအခမ်းအနားတွင် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ကလေးခရိုင်ဦးစီးမှူး ဦးတွာလ်ဆွင်းဗန်မှ စားသုံးသူကာကွယ်ပေးရေး အသိပညာပေးဟောပြောပွဲ ကျင်းပရခြင်း၏ ရည်ရွယ်ချက်ကို အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန၊ အကြီးတန်းစာရေး ဒေါ်သိမ့်သိမ့်ထွန်းမှ စားသုံးသူကာကွယ်ပေးရေးဥပဒေပါ ပြဌာန်းချက်တွင်ပါရှိသည့် ကုန်ညွှန်းအမှတ်အသားများနှင့် မိမိတို့၏ဌာနတွင် ဖွင့်လှစ်ထားရှိသည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာ ( Consumer Information and Complaint Center ) CICCဖွင့်လှစ်ထားရှိမှု အခြေအနေကိုလည်းကောင်း၊ စားသုံးသူနစ်နာမှုရှိလာပါက ဌာနသို့ ဆက်သွယ်တိုင်ကြားနိုင်သည့် နည်းလမ်းများကိုလည်းကောင်း၊ဌာနက ဖြေရှင်းဆောင်ရွက်ပေးလျက်ရှိသည့် အခြေအနေများကိုလည်းကောင်း ရှင်းလင်းအသိပညာပေးဟောပြောခဲ့ပြီး တက်ရောက်လာသူများ၏ သိရှိလိုသည်မေးမြန်းမှုများအပေါ်ပြန်လည်ဖြေကြားဆွေးနွေးခဲ့ပါသည်။ ဟောပြောပွဲသို့ ဌာနဆိုင်ရာမှ ( ၉ ) ဦး တက်ရောက်ခဲ့ကြောင်း သတင်းရရှိပါသည်။
DOCA(စစ်ကိုင်း)