စစ်ကိုင်းတိုင်းဒေသကြီး၊ မုံရွာမြို့၊ အနီးတစ်ဝိုက်ရှိ ကျေးရွာများတွင် ရာသီပေါ်သီးနှံ များကို စိုက်ပျိုးရောင်းချလျက်ရှိရာ ယခုအခါ ကင်ပွန်းချဉ်ပင်များကို နေအိမ်ခြံဝင်းများတွင် လည်းကောင်း၊ ယာကွက်ခြံစည်ရိုးများ တွင်လည်းကောင်း တစ်နိုင်တစ်ပိုင်စိုက်ပျိုး၍ ရောင်းချ လျက်ရှိကြောင်း သိရသည်။ ကင်ပွန်းပင်သည် ကင်ပွန်းချဉ်ရွက်အပြင် ကင်ပွန်းသီးများကိုပါ ရရှိနိုင်ပါသည်။ ကင်ပွန်းသီးသည် ခေါင်းလျှော်ရည်ထဲတွင် ထည့်သွင်းအသုံးပြုနိုင်ပြီး ကင်ပွန်းရွက်မှာ အိမ်ရှင်မများ ချက်ပြုတ်ရာတွင် ဟင်းရည်သောက်အဖြစ် အသုံးပြုနိုင်ပြီး ကျန်းမာရေးနှင့် ညီညွတ်သော အပင်တစ်မျိုးဖြစ်ပါသည်။
ကန်သာယာဈေး၌ ဇွန်လ စတုတ္ထပတ်တွင် ကင်ပွန်းရွက်ဈေးနှုန်းမှာ (၁) စည်းလျှင် (၃၀၀)ကျပ်၊ (၂)စည်းလျှင် (၅၀၀)ကျပ်ဖြင့် ရောင်းချလျက်ရှိကြောင်း သိရှိရပါသည်။
DOCA(စစ်ကိုင်း)