ကယားပြည်နယ်အတွင်း အခြေခံစားသောက်ကုန်များ ကွင်းဆင်းစစ်ဆေးခဲ့ခြင်းနှင့် အသား၊ငါးဈေးနှုန်း

ကယားပြည်နယ်၊ လွိုင်ကော်မြို့ သီရိမင်္ဂလာဈေးအတွင်းသို့ အထူးစုံစမ်းစစ်ဆေးရေးဦးစီး ဌာန၊ ဗဟိုစာရင်းအင်းအဖွဲ့၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ၂၀၂၅ ခုနှစ်၊ ဇူလိုင်လ(၄)ရက်နေ့၊ နံနက်ပိုင်းတွင် အခြေခံစားသောက်ကုန်များဈေးနှုန်း မြှင့်တင်ရောင်းချမှုများ မရှိစေရန် ကွင်းဆင်းစစ်ဆေးပြီး အခြေခံစားကုန်ဈေးနှုန်းစာရင်း ကောက်ယူမှုများပြုလုပ်ခဲ့ပါသည်။
ထိုသို့ကွင်းဆင်းကောက်ယူခဲ့ရာ လွိုင်ကော်မြို့တွင်ဖြစ်ပေါ်နေသော အသား၊ ငါးဈေးနှုန်းများ မှာ ကြက်(CP)အသားတိုး တစ်ပိဿာလျှင် (၁၈၀၀၀/-)ကျပ်၊ ကြက်(CP)ဥနှုန်းကျ တစ်ပိဿာလျှင် (၂၄၀၀၀/-)ကျပ်၊ ကြက်(ဗမာ) တစ်ပိဿာလျှင်(၃၂၀၀၀/-)ကျပ်၊ ဝက်သား တစ်ပိဿာလျှင် (၃၅၀၀၀/-)ကျပ်၊ အမဲသား တစ်ပိဿာလျှင်(၃၅၀၀၀/-)ကျပ်၊ ငါးမြစ်ချင်း တစ်ပိဿာလျှင် (၂၄၀၀၀/-)ကျပ်၊ ငါးကြင်း တစ်ပိဿာလျှင်(၂၄၀၀၀/-)ကျပ်၊ ငါးခူ တစ်ပိဿာလျှင်(၂၀၀၀၀/-) ကျပ်၊ အာပြဲခြောက် တစ်ပိဿာလျှင်(၃၄၀၀၀/-)ကျပ်၊ ငါးတံခွန် တစ်ပိဿာလျှင်(၁၈၀၀၀/-) ကျပ်စီဖြင့် အရောင်းအဝယ်ဖြစ်နေကြောင်း အသား၊ ငါးရောင်းချသူများထံမှ သိရှိရပါသည်။
အခြေခံစားသောက်ကုန်များဖြစ်သော (အသား၊ ငါး)များအား အဆမ တန်ဈေးနှုန်းမြင့်တင် ရောင်းချခြင်းများ မပြုလုပ်ရန်၊ စည်ပင်သတ်မှတ်ဈေးနှုန်းနှင့် အမှန်တကယ် စားသုံးသူထံ ရောင်းချ သောဈေးနှုန်းများ ကိုက်ညီမှုရှိစေရန် စသည်တို့အား ကွင်းဆင်းစစ်ဆေးမှုများ ပြုလုပ်ခဲ့ကြောင်း တင်ပြအပ်ပါသည်။
DOCA(ကယား)