ပဲခူးတိုင်းဒေသကြီး ၊ သာယာဝတီခရိုင် ၊ ဇီးကုန်းမြို့ ၊ အ.ထ.က ကျောင်းမုန့်စျေးတန်းသို့ စာသုံးသူ ရေးရာ ဦးစီးဌာနမှ ဇီးကုန်းမြို့နယ်တာဝန်ခံ ၊ ကျောင်းအုပ်ဆရာမကြီး ဒေါ်ရီရီမြင့် ၊ ကျန်းမာရေးဌာနမှ ဆရာမ ၃ ဦးတို့သည် ၅.၈.၂၀၂၂ ရက်နေ့တွင် ရောင်းချနေသာ မုန့်ဆိုင်များအား ဘေးအန္တရာယ် ကင်းရှင်းသော အစားအသောက်များ ၊ မုန့်မျိုးစုံ ၊ အချိုရည်များအား ကုန်အညွှန်းအမှတ်အသား ပြည့်စုံစွာ ဖော်ပြထားခြင်း ရှိ/မရှိ စစ်ဆေးဆောင်ရွက်ခဲ့ပါသည်။
ထိုသို့ စစ်ဆေးရာတွင် ကျောင်သား ၊ ကျောင်းသူများအား ရောင်းချနေသော မုန့်မျိုးစုံဆိုင်တွင် သက်တမ်းလွန် မုန့်များ ၊ ပါဝါသကြားလွန်ကဲစွာ အသုံးပြုသော အစားအစာများ ၊ မြန်မာဘာသာဖြင့် ကုန်အညွှန်းအမှတ်အသား ဖော်ပြထားခြင်းမရှိသော အသားလုံးများ ၊ အရောင်လွန်ကဲစွာ အသုံးပြု ထား၍ နီရဲနေသော ထုတ်လုပ်ရက် ၊ ကုန်ဆုံးရက် မပါရှိသည့် မက်မွန်သီးများကို တွေ့ရှိရသည့်အတွက် ဓာတ်ပုံမှတ်တမ်းများရယူခဲ့ပြီး ကျောင်းမုန့်ဈေးတန်းတွင် ရောင်းချနေသူများအား ကုန်အညွှန်းအမှတ်အသား ပြည့်စုံစွာပါရှိမှသာ ရောင်းချကြရန် အသိပညာပေးပြောကြားခဲ့ပြီး ကျောင်းကျန်းမာရေးအဖွဲ့အား စိစစ်ကြပ်မတ်ဆောင်ရွက်နိုင်ရန် တွေ့ရှိမှုများကို ဆွေးနွေးပြောကြားခဲ့ကြောင်းသိရှိရပါသည် ။
DOCA(ပဲခူး)