ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြမြို့နယ် ဦးစီးမှူးဦးလှထွဋ်ဦး နှင့် ဝန်ထမ်းများသည်၊ မြို့နယ်စည်ပင်သာယာရေးအဖွဲ့နှင့်ပူးပေါင်းပြီး (၅.၈.၂၀၂၂)ရက်နေ့ နေ့လယ်(၁၄:၀၀)နာရီအချိန်က မြောင်းမြမြို့ပေါ်ရှိ မြသာယာဈေးရှိ ကုန်မျိုးစုံဆိုင်များတွင် ကုန်အညွှန်းအမှတ်အသားဖော်ပြချက်နှင့် ကိုက်ညီမှုရှိ/မရှိ နယ်မြေဈေးကွက်စောင့်ကြည့် ကွင်းဆင်း စစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် မြို့နယ်ဦးစီးမှူးမက မြသာယာဈေးအတွင်းကုန်မျိုးစုံရောင်းချ နေသော (ဟင်းသီးဟင်းရွက်ဆီ)ဘူးများတွင် ကုန်အညွှန်းအမှတ်အသားဖော်ပြချက်နှင့် ကိုက်ညီမှုရှိ/ မရှိ စစ်ဆေးခဲ့ပြီး၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော(၁/၂၀၂၁) ညွှန်ကြားချက်အရ ဈေးကွက်အတွင်းဖြန့်ဖြူးရောင်းချနေသော ဟင်းသီးဟင်းရွက်ဆီအမျိုးအစား နှင့်စပ်လျဉ်း၍ ကုန်အညွှန်းအမှတ်အသားဖော်ပြရာတွင် ပင်ရင်းပါဝင်ပစ္စည်းကို အခြေခံသောကုန် စည်အမျိုးအမည်ကို တိကျစွာ မြန်မာဘာသာဖြင့်ဖော်ပြရမည်၊ ကုန်စည်၏အသားတင်ပမာဏနှင့် အရွယ်အစားတို့အား မြန်မာအလေးချိန်ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့် ဖော်ပြရမည်ဖြစ်ကြောင်း၊ ညွှန်ကြားချက်အမှတ်(၁/၂၀၂၁)သည်(၂၀.၁၂.၂၀၂၂)ရက်နေ့ထုတ်ပြန်ပြီး (၆)လပြည့်မြောက်သည့်ရက်နေ့မှ စတင်၍ အာဏာတည်မည်ဖြစ်ပြီး၊ လိုက်နာဆောင်ရွက်ခြင်းမရှိ ပါက စားသုံးသူကာကွယ်ရေးဥပဒေ ၂၀၁၉ ပါပြဌာန်းချက် အခန်း(၂၄)ပါပြစ်မှုနှင့်ပြစ်ဒဏ်များအရ အရေးယူဆောင်ရွက်သွားမည်ဖြစ်ကြောင်း ဆိုင်ပိုင်ရှင်များအား အသိပေးအကြောင်းကြားပြီး နယ်မြေဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။
DOCA(ဧရာဝတီ)