အာရှဖွံ့ဖြိုးတိုးတက်ရေးဘဏ် (ADB) သည် လာအိုနိုင်ငံရှိစဉ်ဆက်မပြတ်စိုက်ပျိုးရေး ကဏ္ဍစီမံကိန်းအတွက် အမေရိကန်ဒေါ်လာ ၆၅.၈ သန်း ရန်ပုံငွေထောက်ပံ့မှု အစီအစဉ်ကို အတည်ပြုခဲ့ကြောင်း ဇူလိုင်လ ၇ ရက်နေ့တွင် ထုတ်ပြန်ကြေညာခဲ့သည်။ ADB ၏ အဆိုအရ အဆိုပါ စီမံကိန်းသည် ရာသီဥတုဒဏ်ခံနိုင်ရည်ရှိရေး၊ စာနပ်ရိက္ခာ ဖူလုံရေး၊ ထိခိုက်လွယ်သော အိမ်ထောင်စုများနှင့် ရပ်ရွာများ၏ ဝင်ငွေများကို မြှင့်တင်ရန်ရည်မှန်းထားသည်။ ထို့အပြင် တန်ဖိုးမြင့်ကုန်စည်များအတွက် ပြည်တွင်းနှင့်ပို့ကုန်စျေးကွက်များသို့ ဦးတည်သော စိုက်ပျိုးရေး စနစ်များကို အားကောင်းစေမည်ဖြစ်သည်။ အဆိုပါ စီမံကိန်းသည် တစ်နိုင်ငံလုံး အတိုင်းအတာ ဖြင့် ဘဏ္ဍာရေးဝန်ဆောင်မှုများကို ဆောင်ရွက်ပေးမည်ဖြစ်ပြီး နည်းပညာဆိုင်ရာ အကြံပေးဝန်ဆောင်မှုများနှင့် အခြေခံအဆောက်အအုံများကို ပြည်နယ်အဆင့်တွင် ဆောင်ရွက်ပေးနိုင် သွားမည်ဖြစ်ကြောင်း သိရှိရပါသည်။
Source : Xinhua
DOCA(ရန်ကုန်)