ပဲခူးတိုင်းဒေသကြီးအစိုးရအဖွဲ့ ၊ စီးပွားရေးရာဝန်ကြီး၏ လမ်းညွှန်မှုဖြင့် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ ဦးဆောင်၍ ၂.၈.၂၀၂၂ရက်နေ့ ၊ နံနက်(၁၃:၀၀)နာရီ အချိန်တွင် စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံး အစည်းအဝေးခန်းမ(၁)၌ ပဲခူးတိုင်းဒေသကြီး ဆေးဝါးနှင့်ဆေးပစ္စည်းရောင်းဝယ်ရေး လုပ်ငန်းရှင်များအသင်း အတည်ပြု ဖွဲ့စည်းနိုင်ရေး အကြိုတွေ့ဆုံ ဆွေးနွေးပွဲကို ကျင်းပပြုလုပ်ခဲ့ရာ ပဲခူးခရိုင် ဆေးဝါးနှင့်ဆေးပစ္စည်း ရောင်းဝယ်ရေးလုပ်ငန်းရှင်(၁၄)ဦး၊ Online Virtual စနစ်ဖြင့် ညောင်လေးပင်ခရိုင်(၂၄)ဦး၊ တောင်ငူခရိုင် (၁၆)ဦး၊ ပြည်ခရိုင်(၁၃)ဦး၊ သာယာဝတီခရိုင်(၇)ဦး၊ နတ်တလင်း ခရိုင်(၉)ဦး စုစုပေါင်း ဆေးဝါးနှင့် ဆေးပစ္စည်းရောင်းဝယ်ရေး လုပ်ငန်းရှင်(၈၃)ဦးတက်ရောက်ခဲ့ပါသည်။
ဆက်လက်၍ ပဲခူးတိုင်းဒေသကြီး ဆေးဝါးနှင့် ဆေးပစ္စည်းရောင်းဝယ်ရေး လုပ်ငန်းရှင်များအသင်း အတည်ပြုဖွဲ့စည်းနိုင်ရေးအတွက် ဆွေးနွေးအဆိုပြုလျာထား ရွေးချယ်ခဲ့ရာ အလုပ်အမှုဆောင် အဖွဲ့ဝင် (၁၉)ဦးဖြင့် ဆေးဝါးနှင့်ဆေးပစ္စည်းရောင်းဝယ်ရေး လုပ်ငန်းရှင်များအသင်း ယာယီဖွဲ့စည်းခဲ့ကြောင်းနှင့် အတည်ပြုဖွဲ့စည်းနိုင်ရန် ဆောင်ရွက်လျက်ရှိကြောင်း သတင်း ရရှိပါသည်။
DOCA(ပဲခူး)