“ဟိန်းစည်” ဆန်မှုန့်၊ ကောက်ညှင်းမှုန့်လုပ်ငန်းရှင်နှင့် တွေ့ဆုံ

         စားသုံးသူရေးရာဦးစီးဌာနသည် စားသုံးသူပြည်သူများအား ကုန်စည်၊ ဝန်ဆောင်မှုနှင့် ပတ်သက်၍ ဘေးအန္တရာယ်ကင်းရှင်းစေရန်၊ လုံခြုံစိတ်ချရမှုရှိစေရန်အတွက် လုပ်ငန်းရှင်များအား မိမိတို့ ထုတ်လုပ်သော ကုန်စည်များ၏ ကုန်အညွှန်းအမှတ်အသားနှင့် ပတ်သက်၍ပြည့်စုံမှန်ကန်မှုရှိစေရေး အစဉ်တွန်းအားပေး ဆောင်ရွက်လျက် ရှိပါသည်။

        သို့ဖြစ်ပါ၍ (၈.၈.၂၀၂၂)ရက်နေ့တွင် မုံရွာခရိုင်ဦးစီးမှူးရုံးမှ ဝန်ထမ်း (၂) ဦးသည် မုံရွာမြို့၊ ချမ်းမြသာစည်ရပ်ကွက်ရှိ “ဟိန်းစည်” ဆန်မှုန့်၊ ကောက်ညှင်းမှုန့်လုပ်ငန်းရှင်  ဦးကျော်အေးနှင့် တွေ့ဆုံ၍ စားသုံးသူကာကွယ်ရေးဥပဒေအခန်း (၁၀) ပါ စီးပွားရေးလုပ်ငန်းရှင်များလိုက်နာရမည့် တာဝန်များ၊  ကုန်စည်၊ ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူတောင်းဆို နိုင်သည့်  အခွင့်အရေးများနှင့် အခန်း (၁၈) ပါ ကုန်ညွှန်းအမှတ်အသားဖော်ပြနိုင်ရေး၊ လုပ်ငန်းရှင်များဘက်မှလည်း ကုန်ကြမ်းဝယ်ယူရာတွင် ကုန်အညွှန်းအမှတ်အသား ပြည့်စုံစွာပါရှိသည့် ကုန်ပစ္စည်းများကိုသာ ဝယ်ယူရောင်းချကြရန် အသိပညာပေးဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)