ကချင်ပြည်နယ်၊ စားသုံးသူရေးရာဦးစီးဌာနအနေဖြင့်ဘေးအန္တရာယ်ကင်းရှင်းပြီး လုံခြုံစိတ်ချရမှုရှိသော စားသုံးဆီများကို ရောင်းချခြင်းနှင့် ဈေးကွက်အတွင်းဖြစ်သင့်ဖြစ်ထိုက်သည့် ဈေးနှုန်းများနှင့်ရောင်းချခြင်း ရှိ မရှိ စည်ပင်သာယာရေး အဖွဲ့နှင့်ပူးပေါင်း၍ မြစ်ကြီးနားမြို့၊ ဝိုင်းမော်မြို့၊ ဗန်းမော်မြို့၊ မိုးညှင်းမြို့များရှိ စည်ပင်သာယာဈေးများ၊စားသုံးဆီလက်လီ/လက်ကား ရောင်းချသောဆိုင်များအား ၉.၈.၂၀၂၂ရက်နေ့တွင်ကွင်းဆင်းစစ်ဆေးခဲ့ပါသည်။ ကွင်းဆင်းစစ်ဆေးဆောင်ရွက်ရာတွင် တရားမဝင်နယ်စပ်လမ်းကြောင်းများမှ ဝင်ရောက်လာသော အရည်အသွေး စံချိန်စံညွှန်း ပြည့်မီခြင်း မရှိသည့် စားသုံးဆီများအား ရောင်းချခြင်းမပြုရန်နှင့် လုပ်ထုံးလုပ်နည်းနှင့်အညီ တရားဝင် သွင်းကုန်လိုင်စင်ဖြင့် တင်သွင်းလာသော စားသုံးဆီများကိုသာရောင်းချရန် လုပ်ငန်းရှင်များအား အသိပညာပေးဆွေးနွေးခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေခဲ့ပါ သည်။
DOCA(ကချင်)