ယနေ့မြန်မာနိုင်ငံရဲ့ ခေတ်စားနေတဲ့ အွန်လိုင်း ရှော့ပင်းဆိုတဲ့ဈေးကွက်ကြီးထဲမှာ အမျိုးသမီးများရဲ့ နေ့စဉ်အသုံးပြုကြရတဲ့ အလှကုန်ပစ္စည်းတွေ အများအပြားပါဝင်နေတာ တွေ့ရှိရပါတယ်၊ အလှကုန်ပစ္စည်းဆိုတာ အမျိုးသမီးတွေအများဆုံး အသုံးပြုကြပေမယ့် အမျိုးသားတွေသုံးတဲ့ အလှ ကုန်ပစ္စည်းတွေလဲရှိနေပါတယ်၊ အလှကုန်ပစ္စည်းများမှာ ခေါင်းအစခြေအဆုံး အသုံးပြုကြတဲ့ ပစ္စည်း အမျိုးအစားပေါင်း အများအပြားရှိပါတယ်၊ အမျိုးသမီးတွေအနေနဲ့ တစ်ခါတစ်လေမှာ အလှကုန်ပစ္စည်း တွေကို မျက်စိနဲ့တပ်အပ်မြင်ပြီး သေချာရွေးဝယ်လာပြီးမှ အသုံးပြုတဲ့အခါမှာ မကြိုက်လို့ အဆင်မပြေ လို့ဆိုပြီး ချောင်ထိုးထားရတဲ့ အလှပြင်ပစ္စည်းတွေရှိတတ်ပါတယ်၊ လူတွေမှာ တစ်ယောက်နဲ့ တစ်ယောက် အသားအရေတွေမတူ ကွဲပြားကြပါတယ်၊ သူများသုံးတဲ့အလှကုန်ပစ္စည်းက ကိုယ်နဲ့လည်း တည့်ချင်မှ တည့်နိုင်မှာပါ၊ အလှကုန်ပစ္စည်းများကို ဝယ်ယူတဲ့အခါမှာ သူများအသားအရေနဲ့ ကိုက်ညီတိုင်း မိမိရဲ့ အသားအရေနဲ့အဆင်ပြေချင်မှပြေမယ်ဆိုတာကို သတိရဖို့လိုပါတယ်၊ ဝယ်ယူပြီးတဲ့အခါမှာလည်း မိမိ အသားအရေနဲ့ကိုက်ညီမှုရှိ/ မရှိဆိုတာကို ဦးစွာစစ်ဆေးဖို့တော့လိုအပ်ပါတယ်၊ အချို့သော အလှကုန် ပစ္စည်းများမှာ ဈေးနှုန်းတန်ဖိုးကြီးတွေ ပေးရပြီး စမ်းသပ်အသုံးပြုခွင့် မရတာတွေရှိသလို အချို့သော အလှကုန်ပစ္စည်းတွေမှာ စမ်းသပ်အသုံးပြုနိုင်ရန်အတွက် နမူနာဘူး(ဘူးသေး)များဖြင့် ရောင်းချတာ တွေလဲ ရှိပါတယ်၊ အချို့သောအလှကုန်များ အသုံးပြုခြင်းကြောင့် မျက်နှာပြင်နှင့်ခန္ဓာကိုယ်တွင် အလာ့ ဂျစ်များဖြစ်စေခြင်းမှာ ၎င်းအလှကုန်ပစ္စည်းများတွင် မျက်နှာနှင့် ခန္ဓာကိုယ်တွင် လိမ်းခြယ်ရာ၌ ကြာရှည်စွဲထင်အောင်နဲ့ အနံ့များကောင်းအောင်ပြုထားတဲ့ ဓါတုပစ္စည်းများကြောင့် အဖုအပိန့်တွေကို ဖြစ်စေနိုင်ခြင်းဖြစ်ပါတယ်၊ ယားနာလို အင်ပြင်များဖြစ်ခြင်းမှာ အလှကုန်ပစ္စည်းများမှားယွင်း ရွေးချယ် မိခြင်း မိမိအသားအရေနှင့် မကိုက်ညီခြင်းများကြောင့် ဖြစ်ပါတယ်၊ ကုန်ပစ္စည်း(သို့)ဝန်ဆောင်မှုများကို ဝယ်ယူအသုံးပြုတဲ့အခါမှာ စားသုံးသူကာကွယ်ရေးဥပဒေတွင်ပါဝင်သည့် စားသုံးသူများရရှိတဲ့ အခွင့် အရေးများအတိုင်း မိမိဝယ်ယူလိုတဲ့ ကုန်စည်(သို့)ဝန်ဆောင်မှုများနှင့် စပ်လျဉ်း၍ အခြေခံ လိုအပ်ချက် အပေါ်စိတ်ကျေနပ်မှုရရှိစေခြင်း၊ ဘေးအန္တရာယ်ကင်းရှင်းစွာအသုံးပြုခွင့်ရှိခြင်း၊ ရွေးချယ် ဝယ်ယူအသုံး ပြုရာတွင် လိုအပ်တဲ့သတင်းအချက်အလက်များ ပြည့်စုံမှန်ကန်စွာသိရှိခွင့်နှင့် စိတ်ကြိုက်ရွေးချယ် ဝယ်ယူသုံးစွဲနိုင်ခွင့်ဆိုတဲ့ စားသုံးသူများရရှိထားတဲ့ အခွင့်အရေးများကို သေချာသိရှိထားဖို့ လိုအပ်ပါ တယ်၊ စားသုံးသူအခွင့်အရေးများကို သေချာစွာသိရှိထားပါက ယခုလိုမျက်စိနဲ့ သာမြင်တွေ့ခွင့်ရှိပြီး ထိတွေ့စမ်းသပ်ခွင့်မရတဲ့ ခေတ်စားနေတဲ့ အွန်လိုင်းရှော့ပင်းတွေမှာ စားသုံးသူပြည်သူများ နစ်နာမှုမရှိဘဲ မှန်ကန်တဲ့ရွေးချယ်မှုတွေနဲ့ ဝယ်ယူအသုံးပြုနိုင်မှာဖြစ်ပါတယ်၊ စားသုံးသူများအနေဖြင့် ကုန်စည် (သို့)ဝန်ဆောင်မှုများကို ရွေးချယ်ဝယ်ယူအသုံးပြုတဲ့အခါမှာ စားသုံးသူများ၏ ရရှိထားတဲ့အခွင့်အရေး အသိတွေနဲ့အတူ မှားယွင်းစွာရွေးချယ်မှု မရှိစေဖို့အတွက် သတိရှိရမှာဖြစ်ပါတယ်၊ စားသုံးသူများအနေဖြင့် မှန်ကန်စွာရွေးချယ်ဝယ်ယူနိုင်စေဖို့အတွက် စားသုံးသူအသိနဲ့သတိယှဉ်ကာ နစ်နာမှုမရှိ ဘေးအန္တရာယ် ကင်းရှင်းစွာဝယ်ယူအသုံးပြုနိုင်ရန်အတွက် အကြံပြုရေးသားလိုက်ခြင်းဖြစ်ပါတယ်။
DOCA(ရှမ်း)