စားသုံးသူရေးရာဦးစီးဌာန၊ မအူပင်ခရိုင်ဦးစီးမှူး ဦးဇော်မင်းသည် ၈.၈.၂၀၂၂ နေ့တွင် ငါးလုပ်ငန်းရှင် ဦးကျော်နိုင်ဦးနှင့် မအူပင်ခရိုင်ဦးစီးမှူးရုံးခန်းမတွင် ငါးလုပ်ငန်းဖွံ့ဖြိုးတိုးတက်ရေးအတွက် တွေ့ဆုံ ဆွေးနွေးခဲ့ကြပါသည်။
အဆိုပါဆွေးနွေးပွဲတွင် ငါးလုပ်ငန်းရှင် ဦးကျော်နိုင်ဦးမှ မိမိငါးကန်တွင် ငါးမြစ်ချင်းငါးနှင့် ငါးကြင်းငါးများ မွေးမြူထားရှိပြီး ကန်ဖော်ချိန်တွင် ရန်ကုန် ကြည်မြင်တိုင် ငါးပွဲရုံများသို့ တင်ပို့ရောင်းချပြီး၊ မအူပင်၊ ကျိုတ်လတ်မြို့နယ်ရှိ ဈေးများတွင် ရောင်းချခြင်းများဆောင်ရွက်ခဲ့ကြောင်းနှင့် ယခုနှစ်တွင် ငါးအစာဈေးတက်ခြင်း၊ လုပ်သားခ ကြီးမြင့်ခြင်းတို့ကြောင့် အမြတ်ငွေမှာ ယခင်လို သိသိသာသာ မရရှိသော်လည်း အမြတ်အနည်းငယ်သာရရှိပြီး ပြည်တွင်းဈေးကွက်မှ ပြည်ပဈေးကွက်သို့ တင်ပို့နိုင်ရန် ကြိုးစားဆောင်ရွက်လျှက်ရှိကြောင်း တင်ပြဆွေးနွေးခဲ့ပါသည်။
စားသုံးသူရေးရာဦးစီးဌာန၊ ခရိုင်ဦးစီးမှူးဦးဇော်မင်းမှ ငါးဈေးကွက် တိုးချဲ့နိုင်မည့် နည်းလမ်း ကောင်း များရရှိရေး၊ နည်းပညာနှင့် ငါးစာများစနစ်ထုတ်လုပ်နိုင်ရေးအတွက် ငါးလုပ်ငန်းဦးစီးဌာနနှင့် ပူးပေါင်းနိုင်ရေးသာမက လုပ်သားခကြီးမြင့်မှုအပေါ် စီမံခန့်ခွဲမှုနည်းလမ်းကောင်းများကို အသိပညာပေး ပြန်လည်ဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)