ပြည်ဈေးကွက်သို့ ယခုဇူလိုင်လလယ်ခန့်တွင် ကြက်သွန်နီသီးနှံမှာ သိသိသာသာ အဝင်နည်းပြီး ယခင်လတွင် တစ်ရက်လျှင် ပိဿာချိန်(၈၀၀၀)ခန့်အဝင်ရှိခဲ့ရာမှ ယခုတွင်ပိဿာချိန် (၅၀၀၀)ခန့်သာ ဝင်ရောက်မှုရှိတော့ကြောင်းသိရပါသည်။ ကျောက်ပန်းတောင်း၊ တောင်တွင်း၊ ဆိပ်ဖြူ၊ အောင်လံဘက် တို့မှ အဝင်ရှိနေပြီး ဈေးနှုန်းမှာ အဝင်နည်းသဖြင့် လက်ကား ရောလက်လီဈေးမှာ တစ်ပိဿာလျှင် ပျမ်းမျှ ကျပ်(၄၀၀)နှုန်းခန့်မြင့်တက်လျက်ရှိနေပါသည်။ ဈေးနှုန်းမှာ ပြည်မြို့ပွဲရုံများတွင် လက်ကားတစ်ပိဿာလျှင် ကြီး/လတ်/သေးကျပ် (၁၆၀၀/ ၁၅၀၀/ ၁၄၀၀)နှုန်းတို့နှင့် (အသေးဆုံး) အစမှာ တစ်ပိဿာလျှင် ကျပ်(၁၀၀၀)နှုန်းခန့်ရှိပြီး ဝါဆို အလှူပြုထားသူများမှ ကတ္တားပွဲရုံများသို့ တိုက်ရိုက်ဝယ် ယူမှုများကြောင့် အသေးဆုံးအစမှာ အရောင်းအဝယ်သွက်လျက်ရှိကြောင်းလည်းသိရပါသည်။ ကျန်ကြီး/ လတ်/သေး အစများမှာ ပုံမှန်ဒေသတွင်းဝယ်လက်များ၊ အိတ်ဆွဲဝယ်ရောင်းသမားများနှင့် ပြည်ခရိုင်အတွင်းမြို့နယ်များသို့ စီးဆင်းမှုများအပါအဝင် ဝင်ရောက်မှုရဲ့ထက်ဝက်ခန့် အရောင်းအဝယ် ဖြစ်လျက်ရှိ နေကြောင်း သိရပြီး ပြည်မြို့ပေါ်လက်လီဈေးများတွင်လက်လီ တစ်ပိဿာလျှင် ကြီး/လတ်/သေး ကျပ် (၂၁၀၀/၂၀၀၀-၁၉၀၀/၁၈၀၀-၁၇၀၀)နှုန်းတို့ဖြင့်အသီးသီးရောင်းဝယ် လျက်ရှိနေ ကြောင်း သိရပါ သည်။
DOCA(ပဲခူး)