စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး အနေဖြင့် ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေးလုပ်ငန်းကော်မတီမှ ရန်ကုန်တိုင်းဒေသကြီး၊ သန်လျင်မြို့နယ်၊ သီလဝါစက်သုံးဆီ Terminalများမှ သက်ဆိုင်ရာတိုင်းဒေသကြီးနှင့် ပြည်နယ်များသို့ စက်သုံဆီများတင်ပို့မှုအပေါ် အထူးဈေးနှုန်းဖြင့်ရောင်းချပေးသည့်စက်သုံးဆီအရောင်းဆိုင်များတွင် စက်သုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ ထုတ်ပြန်လျက်ရှိသည့် ရည်ညွှန်းလက်လီဈေးနှုန်းအပေါ်အခြေခံ၍ ရောင်းချခြင်းရှိ/မရှိ ကွင်းဆင်းစစ်ဆေးခြင်းနှင့် ချိတ်ဆက် မေးမြန်း၍ ခရိုင်အတွင်းရှိ အရောင်းဆိုင်များအားလုံး၏ နေ့စဉ်တစ်လီတာရောင်းဈေးနှုန်းများကို တင်ပြဆောင်ရွက်လျက်ရှိရာ ဩဂုတ်လ(၈)ရက်နေ့ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူး၊ ဒု-ခရိုင်ဦးစီးမှူး၊ မူဝါဒလေ့လာရေးနှင့်စီမံကိန်းစာရင်းအင်း ဌာနခွဲမှ ဝန်ထမ်း(၁)ဦးတို့သည် ခရိုင်ဦးစီးမှူးရုံး အစည်းအဝေးခန်းမတွင် ရွှေဘိုမြို့၊ ဇီးကုန်းလေးကျေးရွာရှိ ရင်ခွင်ရိပ်စက်သုံးဆီအရောင်းဆိုင် လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
ထိုသို့တွေ့ဆုံဆွေးနွေးရာတွင် စက်သုံးဆီရောင်းချသည့်ရောင်းချသည့် လုပ်ငန်းအနေဖြင့် နေ့စဉ် ပုံမှန်အရောင်းအဝယ်ဖြစ်သည့် လုပ်ငန်းဖြစ်သော်လည်း ယခုအချိန်တွင် မိမိဆိုင်၌ ရောင်းချနေသည့် စက်သုံးဆီများပြတ်လတ်မှုမရှိစေရေး အထူးဂရုပြုဆောင်ရွက်သည့်အပြင် စက်သုံးဆီတင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ နေ့စဉ်ထုတ်ပြန် လျက်ရှိသည့် စက်သုံးဆီအမျိုးအစားလိုက် ရည်ညွှန်းလက်လီဈေးနှုန်းများထဲမှ မန္တလေးဈေးနှုန်းအပေါ်အခြေခံ၍ ရောင်းချပေးလျက်ရှိကြောင်း၊ စက်သုံးဆီမှာယူခြင်း၊ သယ်ဆောင်ခြင်းများတွင်လည်း အခက်အခဲအနည်းငယ်ကြုံတွေ့ရကြောင်းနှင့် ပြန်လည်ဖြန့်ဖြူးရောင်းချရာတွင်လည်း အချင်အတွယ် မှန်ကန်စေရေးများ ကြီးကြပ်ဆောင်ရွက်လျက်ရှိကြောင်း ဆွေးနွေးသဖြင့် ခရိုင်ဦးစီးမှူးမှ လုပ်ငန်းရှင်၏ ကြုံတွေ့နေရသော အခက်အခဲများအား သက်ဆိုင်ရာဌာနသို့ ချိတ်ဆက်၍ ဆောင်ရွက်ပေးမည်ဖြစ်ကြောင်း ပြန်လည်ဆွေးနွေးခဲ့ပါသည်။
DOCA(စစ်ကိုင်း)