မိတ္ထီလာခရိုင် ဝမ်းတွင်းမြို့တွင် နွေစပါး စိုက်ပျိုးနိုင်ခြင်းမရှိသော်လည်း မိုးစပါးအား ဧက ၅၉၆ ဧက စိုက်ပျိုးနေပြီးဖြစ်ကြောင်း သိရပါသည်။ ပျိုးထောင်စိုက်ပျိုးချိန် မရသော တောင်သူများမှာ အစေ့ တိုက်ရိုက်ချစနစ်ဖြင့် စိုက်ပျိုးကြပြီး အများအားဖြင့် ပျိုးထောင်၊ ပျိုးနုတ်၊ ကောက်စိုက် စနစ်ဖြင့် စိုက်ပျိုးကြသည်။ တောင်သူများမှာ ဓါတ်မြေသြဇာ စျေးမြင့်တက်နေသော်လည်း သဘာဝ မြေသြဇာ၊ နွားချေး၊ ကြက်ချေး၊ EM ဗိုလ်ကာချီး အစရှိသော သဘာဝ မြေသြဇာများဖြင့် စိုက်ပျိုးကြသည်။ စိုက်ပျိုး ပြီးသော စပါးပင်များမှာ သဘာဝမြေသြဇာ အသုံးပြုကြသည့်အတွက် အပင်စိမ်းမူ ရေရှည်ခံခြင်း၊ ရာသီဥတုဒဏ်ကို ပိုမိုခံနိုင်ကြောင်း တွေ့ရှိရပါသည်။ တောင်သူများအနေဖြင့် စပါးစျေးတက်နေခြင်းကြောင့် အရင်ထက် ပိုမိုကြိုးစားလုပ်ကိုင်ကြကြောင်းနှင့် စပါးထွက်နှုန်းမှာ ကျဆင်းသွားမည်မဟုတ်ကြောင်း သိရှိရပါသည်။
DOCA(မန္တလေး)