စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရန်ကုန်အရှေ့ ပိုင်းခရိုင်ဦးစီးမှူးရုံးမှ ခရိုင်ဦးစီးမှူးနှင့် တာဝန်ရှိဝန်ထမ်းများသည် ၁၃.၈.၂၀၂၂ ရက် နေ့နံနက် (၀၉:၃၀) မှ ညနေ (၁၄:၃၀) ချိန်ထိ ခရိုင်အတွင်းမြို့နယ်များရှိ ဆေးဝါးနှင့် ဆေးပစ္စည်းရောင်းချသည့်ဆိုင်များသို့ ကွင်းဆင်းစစ်ဆေးကြပ်မတ်ဆောင်ရွက်ခဲ့ပါသည်။
ယင်းသို့ ကွင်းဆင်းကြပ်မတ်ဆောင်ရွက်ရာတွင် မြန်မာနိုင်ငံဆေးနှင့် ဆေးပစ္စည်းလုပ်ငန်းရှင်အသင်းမှ ဆေးဝါးနှင့် ဆေးပစ္စည်းများပြတ်လပ်မှုမရှိစေရေးနှင့် ဆေးဝါးနှင့် ဆေးပစ္စည်းများ လွယ်ကူ ချောမွေ့စွာတင်သွင်းနိုင်ရန် သွင်းကုန်လိုင်စင်လျှောက်ထားနိုင်ရေးအတွက် ဆောင်ရွက်လျက်ရှိပါကြောင်း၊ ဆေးဝါးနှင့် ဆေးပစ္စည်းတင်သွင်းသော ကုမ္ပဏီများ၊ လက်လီလက်ကား ရောင်းချသည့် ဆိုင် များ၊ ဖြန့်ချီရေးလုပ်ငန်းရှင် Dealers များအနေဖြင့် ဈေးကွက်တွင် ကုန်ပစ္စည်း ပြတ်လပ်သွားမည်ကို မစိုးရိမ်ကြရန်နှင့် ဆေးဆိုင်များအရောင်းမပိတ်ဘဲ၊ ပုံမှန်အတိုင်း ဆက်လက် ရောင်းချပေးစေလိုကြောင်း၊ ပုဇွန်တောင်မြို့နယ်၊ ဒေါပုံမြို့နယ်နှင့် သာကေတမြို့နယ်များရှိ ဆေးဆိုင်ပေါင်း (၁၁) ဆိုင်ရှိပိုင်ရှင်၊ မန်နေဂျာ၊ တာဝန်ခံအရောင်းဝန်ထမ်းများကို ပြောကြားခဲ့ပြီး၊ ဆေးဝါးရောင်းချနေမှုအခြေအနေများကို စစ်ဆေးကြပ်မတ်ဆောင်ရွက်ခဲ့ကြောင်း သိရှိရပါသည်။
DOCA(ရန်ကုန်)