ညောင်ဦးခရိုင်၊ ညောင်ဦးမြို့နယ်တွင် ခရိုင်စားသုံးသူရေးရာဦးစီးဌာနနှင့် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ပူးပေါင်း၍ အသိပညာပေးဟောပြောပွဲများအား နယ်လှည့်ကွင်းဆင်း ကျင်းပဆောင်ရွက်ခဲ့ရာ ဩဂုတ်လ(၁၅)ရက်နေ့ နေ့လယ် ၁၄:၀၀ နာရီအချိန်တွင် ညောင်ဦး မြို့အခြေခံပညာအထက်တန်းကျောင်းရှိ ပန်းမျိုးတစ်ရာခန်းမ၌ ဆရာ၊ဆရာမနှင့်ကျောင်းသား၊ ကျောင်းသူ(၁၅၀)ဦးအားလည်းကောင်း ၊ ဩဂုတ်လ(၁၇)ရက်နေ့ နံနက် ၀၉:၃၀ နာရီအချိန်တွင် ညောင်ဦးမြို့နယ်၊ပုဂံမြို့သစ် အခြေခံပညာအထက်တန်းကျောင်း၌ ဆရာ/ဆရာမနှင့်ကျောင်းသား/ ကျောင်းသူ(၂၅၀)ဦးအားလည်းကောင်း အသိပညာပေးဟောပြောဆွေးနွေးခဲ့ပါသည်။အဆိုပါ အသိပညာပေးဟောပြောဆွေးနွေးပွဲများတွင် ညောင်ဦးခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူး ဒေါ်စန်းယုမော်မှ လူငယ်နှင့်ဘက်စုံဖွံ့ဖြိုးရေးခေါင်းစဉ်ဖြင့်အသိပညာပေး ဟောပြောဆွေးနွေးခဲ့ပြီး၊စားသုံးသူရေးရာဦးစီးဌာန၊ညောင်ဦးခရိုင်ဦးစီးမှူး ဦးသန်းစိုးမှ စားသုံးသူကာကွယ်ရေးဥပဒေပါသိကောင်းစရာများအား အကျယ်တဝန့်ဟောပြောဆွေးနွေးခဲ့ပါသည်။ဟောပြော ဆွေးနွေးမှုများတွင် ကျောင်းသား/ကျောင်းသူများမှ မိမိတို့သိလိုသည်များအားမေးမြန်းတင်ပြရာ သက်ဆိုင်ရာဌာနအလိုက် ခရိုင်ဦးစီးမှူးများမှ ပြန်လည်ရှင်းလင်းဆွေးနွေးခဲ့ကြောင်း သိရပါသည်။
DOCA(မန္တလေး)