ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်ရှိ (၁၂)ရပ်ကွက်၊ ချဉ်ပေါင်ခြံ အခြေခံ မူလတန်းကျောင်းရှိ ကျောင်းမုန့်ဈေးတန်းတွင် ရောင်းချနေသော အသင့်စားမုန့်အမျိုးမျိုးတွင် ကုန်အညွှန်းအမှတ်အသားများ မြန်မာဘာသာဖြင့် ထည့်သွင်းဖော်ပြထားခြင်းရှိ/မရှိ သက်တမ်း လွန်မုန့်များ ရောင်းချနေမှုရှိ/မရှိနှင့် ကလေးငယ်များ အန္တရာယ်ဖြစ်စေနိုင်သော အစားအစာများ ရောင်းချနေမှုမရှိစေရေးတို့အတွက် မြို့နယ်စားသုံးသူရေးရာဦးစီးဌာန၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်တိုင်းရင်းဆေးကုဌာနနှင့် ကျောင်းအုပ်ဆရာမကြီးတို့ ပူးပေါင်း၍ ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။
ထိုသို့ စစ်ဆေးရာတွင် ကျောင်းမုန့်ဈေးတန်းတွင် ရောင်းချနေသော ဒေါ်ကြူကြူမွှေး၊ ဒေါ်မြင့်အေး၊ ဒေါ်တင်ငြိမ်းတို့တွင် ဈေးဆိုင်များတွင် ရောင်းချနေသော မုန့်များတွင် ကုန်အညွှန်း အမှတ်အသားများ မြန်မာဘာသာဖြင့် ထည့်သွင်းဖော်ပြထားပြီး သက်တမ်းကျော်လွန်ခြင်း မရှိ သေးသော မုန့်များရောင်းချလျှက်ရှိသည်ကို စစ်ဆေးတွေ့ရှိရပြီး မြို့နယ်တာဝန်ခံက အသုပ်စုံ များ ရောင်းချသူများအား ယင်ကောင်များ မနားစေရန် လုံခြုံစွာ ဖုံးအုပ်ရောင်းချကြရန်နှင့် သစ်သီး များရောင်းချရာတွင်လည်း အမှည့်လွန်နေသော သစ်သီးများ ရောင်းချခြင်း မပြုလုပ် ကြရန်တို့အား အသိပညာပေးခဲ့ကြောင်း သိရှိရပါသည်။
DOCA(ရန်ကုန်)