ရမည်းသင်းခရိုင်၊ပျော်ဘွယ်ဈေးကွက်၌ ပျော်ဘွယ်မြို့နယ်အတွင်းရှိ ဥသျှစ်ပင်၊မိုးကောင်း၊ တောင်နီကျေးရွာများမှ ပြည်ပပို့ကုန် သီးနှံတစ်မျိုးဖြစ်သည့် မိုးပဲတီစိမ်းများလှိုင်လှိုင်ထွက်ရှိပြီး နေ့စဉ် အရောင်းအဝယ်ဖြစ်လျက်ရှိပါသည်။
ပျော်ဘွယ်မြို့ဈေးကွက်တွင် ပွဲရုံများ၌နေ့စဉ် ပဲတီစိမ်းအိတ်(၁၀၀)မှ (၁၅၀) အထိဝင်ရောက် လျက်ရှိကြောင်း၊ ယခုနှစ်ဇူလိုင်လစတုတ္ထပတ်တွင် ပဲတီစိမ်းတစ်တင်းလျှင် (၁၂၅၀၀၀)ကျပ်ဈေးဖြင့် အရောင်းအဝယ်ဖြစ်လျက်ရှိကြောင်း၊ ယခင်နှစ်နှင့်ကာလတူနှိုင်းယှဉ်လျှင် ပဲတီစိမ်း တစ်တင်းလျှင် (၅၇၀၀၀)ထိဈေးနှုန်းမြှင့်တက်လာကြောင်း၊ ဈေးနှုန်းမြှင့်တက်လာရခြင်းမှာ အထွက်နည်းပြီး ပြည်ပ အဝယ်လိုက်ခြင်းကြောင့်ဖြစ်ကြောင်း၊ ဈေးကွက်အနေဖြင့် မိတ္ထီလာမြို့ပေါ်ရှိသီးနှံပွဲရုံများမှ တစ်ဆင့် မန္တလေးမြို့သို့တင်ပို့ရောင်းချကြကြောင်း သိရပါသည်။
DOCA(မန္တလေး)