ကမ္ဘောဒီးယားနိုင်ငံ၊ စီးပွားရေးနှင့် ကူးသန်းရောင်းဝယ်ရေးဝန်ကြီး Cham Nimul သည် စင်္ကာပူစီးပွားရေးလုပ်ငန်းများနှင့် ကမ္ဘောဒီးယားနိုင်ငံရှိ ရင်းနှီးမြှုပ်နှံသူများပိုမို အဆင်ပြေ ချောမွေ့စေရန်နှင့် ပံ့ပိုးကူညီရန် ၂၉-၇-၂၀၂၅ ရက်နေ့က ကတိပြုခဲ့ပြီး စီးပွားရေးအခြေအနေ တိုးတက်စေရန်နှင့် စျေးကွက်အခွင့်အလမ်းများချဲ့ထွင်ရန် နိုင်ငံတော်၏ ဆက်လက်ကြိုးပမ်းမှု များကို ရှင်းလင်းပြောကြားခဲ့သည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနတွင် ပြုလုပ်သည့် စင်္ကာပူစီးပွားရေး အဖွဲ့ချုပ် (SBF) ၏ နိုင်ငံတကာ စီးပွားရေး အမှုဆောင် ဒါရိုက်တာ Soo Wei Chieh ဦးဆောင်သော ကိုယ်စားလှယ် အဖွဲ့နှင့်တွေ့ဆုံစဉ် Nimul သည် ကမ္ဘောဒီးယားနိုင်ငံတွင် ကုန်သွယ်မှုနှင့် ရင်းနှီးမြှုပ်နှံမှု အခွင့်အလမ်းများကို ရှာဖွေရန် SBF ၏ စိတ်ဝင်စားမှုကို ကျေးဇူးတင်ကြောင်းနှင့် စီးပွားရေးကွဲပြားမှု တိုးမြှင့်ရေး၊ ကုန်သွယ်မှု တိုးတက် ရေး၊ စျေးကွက်ဝင်ရောက်မှုအားကောင်းစေရေးနှင့် အလုံးစုံယှဉ်ပြိုင်နိုင်စွမ်း မြှင့်တင်ရန် ရည်ရွယ်သည့် အစိုးရ၏ စဉ်ဆက်မပြတ် ပြုပြင်ပြောင်းလဲရေးတို့အတွက် ကိုယ်စားလှယ်အဖွဲ့ လာရောက်ခြင်းကို အသိအမှတ်ပြုကြောင်း ပြောကြားခဲ့သည်။ အပြန်အလှန်အားဖြင့် Soo Wei Chieh က ကမ္ဘောဒီးယားနှင့် ပိုမိုခိုင်မာသော စီးပွားရေးဆက်ဆံမှု တည်ဆောက်ရာတွင် SBF ၏ စိတ်ဝင်စားမှုများကို ထင်ဟပ်စေကြောင်းနှင့် ကမ္ဘောဒီးယားနိုင်ငံ၊ အစိုးရ၏မူဝါဒပံ့ပိုးမှုများနှင့် မက်လုံးပေးမှု ယန္တရားများမှတစ်ဆင့် ပုဂ္ဂလိကကဏ္ဍကို အားကောင်းလာစေရန်အတွက် ၎င်း၏ စီးပွားရေးကို လိုလားသည့် ကြိုးပမ်းမှုများအတွက် တော်ဝင်အစိုးရအား ချီးကျူးဂုဏ်ပြုခဲ့သည်။ Nimul သည် စင်္ကာပူစီးပွားရေးလုပ်ငန်းများနှင့် နီးကပ်စွာလုပ်ဆောင်ရန် အဆင်သင့်ရှိကြောင်း နှင့် ကမ္ဘောဒီးယားတွင် ၎င်းတို့၏ လုပ်ငန်းဆောင်ရွက်မှုများအတွက် အထောက်အကူဖြစ်စေမည့် ပတ်ဝန်းကျင်ကို သေချာစေရန်အတွက် ဝန်ကြီးဌာနသည် အဆင်သင့်ဖြစ်နေကြောင်း ကတိပြုခဲ့သည်။ ၂၀၂၄ ခုနှစ်တွင် နှစ်နိုင်ငံကြား ကုန်သွယ်မှုသည် ကန်ဒေါ်လာ ၉၀၁ သန်းရှိခဲ့သည်။ စင်္ကာပူနိုင်ငံသို့ ကမ်ပူငရုတ်ကောင်း၊ ထန်းလျက်သကြား၊ သရက်သီး၊ ဆန်နှင့် အထည်အလိပ်များ တင်ပို့မှုသည် ကန်ဒေါ်လာ ၁၀၃ သန်းအထိ မြင့်တက်လာခဲ့သည်။ စင်္ကာပူမှ တင်သွင်းမှုတွင် လောင်စာဆီ၊ လျှပ်စစ်ပစ္စည်း၊ နို့ထွက်ပစ္စည်းနှင့် အဖျော်ယမကာများကဲ့သို့ မရှိမဖြစ်လိုအပ်သော စက်မှုနှင့် လူသုံးကုန်ပစ္စည်းများ ပါဝင်သည်။ ကမ္ဘောဒီးယားနှင့် စင်္ကာပူ နိုင်ငံတို့ကြား ကုန်သွယ်မှုပမာဏသည် ၂၀၂၅ ခုနှစ် ပထမနှစ်ဝက်တွင် ကန်ဒေါ်လာ ၃၉၁.၅၂ သန်းအထိ ရှိခဲ့ပြီး ၂၀၂၄ ခုနှစ်၊ အလားတူကာလနှင့် နှိုင်းယှဉ်ပါက ၂၃ ရာခိုင်နှုန်း ကျဆင်းခဲ့ ကြောင်း အကောက်ခွန်နှင့် ကုန်စည်စီးဆင်းမှု ဦးစီးဌာန (GDCE) မှ ထုတ်ပြန်ထားသည်။
DOCA(ရန်ကုန်)