ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် အ.ထ.က-၁ စာသင်ကျောင်းတွင် စားသုံးသူရေးရာဦးစီးဌာနနှင့်၊ ကျန်းမာရေးဦးစီးဌာန၊ ပြန်ကြားရေး နှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ မုန့်ဈေးတန်းအား ကွင်းဆင်းစစ်ဆေးခြင်းကို (၂.၈.၂၀၂၅)နေ့နံနက်(၉:၃၀)နာရီက ဆောင်ရွက်ခဲ့သည်။
ဓနုဖြုမြို့ အ.ထ.က-၁ကျောင်းမုန့်ဈေးတန်းတွင် ရောင်းချနေသည့် မုန့်ဆိုင် ၆ဆိုင်ရှိ အစားအသောက်နှင့် မုန့်များတွင် FDA မှတားမြစ်ထားသောမုန့်များရောင်းချခြင်း ရှိ/မရှိ၊ သက်တမ်းလွန်မုန့်များကိုစစ်ဆေးခြင်း၊ မသန့်ရှင်း သော အစားအသောက်များ ရောင်းချမှုမရှိစေရေး ပညာပေးခြင်း၊ ၊ မိုးရာသီဖြစ်၍ ဝမ်းပျက်ဝမ်းလျော ဖြစ်နိုင်သည့်အတွက် ယဉ်နားစာများကို မရောင်းချရန်၊ အုပ်ဆောင်း၊ ဇကာ၊ အဖုံးတို့ဖြင့် ရောင်းချရန်၊ မြန်မာမုန့်ရောင်းချသူများအနေဖြင့် ခေါင်းစွပ်၊ လက်အိတ်များအသုံးပြု၍ မြန်မာမုန့်များကို ကိုင်တွယ် ရောင်းချရန်၊ တကိုယ်ရည်သန့်ရှင်းကို အထူးဂရုစိုက်ရန်၊ မုန့်ဈေးတန်းပတ်ဝန်ကျင်အနီး ရေဝတ်ခြင်းများ၊ မရှိရန်၊ ခြင်မပေါက်ဖွားစေရေးအတွက် ဖုံး၊ သွန်၊ လဲ၊ စစ် အချက်များကို အပတ်စဉ်စစ်ဆေးလုပ်ဆောင်ရန် ဈေးဆိုင်ရှင်များအား အသိပညာပေးခြင်းများ ဆောင်ရွက်ခဲ့ကြောင်း သိရသည်။
DOCA(ဧရာဝတီ)