စစ်ကိုင်းတိုင်းဒေသကြီး၊ တမူးမြို့၊ စန္ဒကူးရပ်ကွက်ရှိ ဖယောင်းတိုင်လုပ်ငန်းရှင် ဦးပေါက်စနှင့် တမူးမြို့နယ်တာဝန်ခံ ဦးစွမ်းရည်သည် ( ၂၃.၈.၂၀၂၂ ) ရက်နေ့တွင် သွားရောက် တွေ့ဆုံဆွေးနွေးခဲ့ကြောင်း သိရှိရပါသည်။
တွေ့ဆုံဆွေးနွေးရာတွင် ဖယောင်းတိုင်လုပ်ငန်းရှင် ဦးပေါက်စအနေဖြင့် ဖယောင်းတိုင် ပြုလုပ်ရာတွင် ကုန်ကြမ်းပစ္စည်းဖြစ်သည့် ဖယောင်းခဲများကို မန္တလေးမြို့မှာ မှာယူအသုံးပြုရပါ ကြောင်း၊ မိမိတွင် ဖယောင်းပြုလုပ်ရန် ဖယောင်းခုံ ( ၁၀ ) ခုံရှိပြီး တစ်လလျှင် ရက် ( ၂၀ ) ခန့်သာ လုပ်ငန်းလည်ပတ် လုပ်ကိုင်ရပါသည်။ ကုန်ကြမ်းဖယောင်းခဲ ( ၁ ) ပိဿာ ကျိုချက်၍ ထွက်ရှိမှု အနေဖြင့် ကုန်ချောထည် ဖယောင်းတိုင်အရွယ်အစားပေါ် မူတည်၍ ဖယောင်းတိုင်ဆိုဒ်ကြီး ( ၅ ) တိုင်ပါ ( ၁၂ ) ထုပ်၊ အလတ်ဆိုဒ် ( ၆ ) တိုင်ပါ ( ၁၅ ) ထုပ်နှင့် အသေးဆိုဒ် ( ၁၂ ) တိုင်ပါ ( ၇၀ ) ထုပ်ခန့် ထုတ်လုပ်ရရှိပါသည်။
ယခင် လျှပ်စစ်မီးများ မရရှိခင်ကာလများက ဖယောင်းတိုင်များ ဖြန့်ဖြူးရောင်းချရာတွင် အရောင်းအဝယ်သွက်ပြီး ယခုအခါတွင် လျှပ်စစ်မီးများ ရရှိလာပြီဖြစ်သည့်အတွက် အနည်းငယ်သာ ရောင်းချရပါကြောင်း၊ ယခုကာလတွင် ဖယောင်းတိုင်များကို ဘုရားမီးပူဇော်ရန်အတွက်သာ ရောင်းချရလျက်ရှိပါသည်။
ဈေးနှုန်းများအနေဖြင့် ဖယောင်းတိုင် ဆိုဒ်ကြီး ( ၁ ) ထုပ်လျှင် ( ၂၆၅ ) ကျပ်၊ အလတ် ( ၁ ) ထုပ်လျှင် ( ၅၈၀ ) ကျပ်၊ အသေး ( ၁ ) ထုပ်လျှင် ( ၁၆၅ ) ကျပ် ပေါက်ဈေးနှုန်းများဖြင့် လက်ကား ရောင်းချလျက်ရှိပါသည်။ ဈေးကွက်ဖြန့်ဖြူးရောင်းချမှုအနေဖြင့် တမူးမြို့နယ် ခမ်းပတ်၊ ဘုက္ကန်နှင့် မိုးရေးဘက်သို့ ဖြန်းဖြူးရောင်းချလျက်ရှိပါကြောင်း မေးမြန်းသိရှိရပါသည်။
DOCA(စစ်ကိုင်း)