အာဆီယံစားသုံးသူကာကွယ်ရေးကော်မတီ (ACCP) အနေဖြင့် စားသုံးသူများအနေဖြင့် E-commerce Platform များကို ယုံကြည်မှုရှိစွာဖြင့် အသုံးပြုနိုင်စေရန်နှင့် ဒေသတွင်း စားသုံးသူနစ်နာဆုံးရှုံးမှုများကို လွယ်ကူ လျင်မြန်စွာဆောင်ရွက်နိုင်စေရန်အတွက် ASEAN Online Consumer Complaints Function အား ACCP ၏ Website တွင်လွှင့်တင်ထားရှိပြီး၊ တတိယအကြိမ် အာဆီယံစားသုံးသူ ကာကွယ်ရေး ညီလာခံတွင် တရားဝင်မိတ်ဆက်ခဲ့ပြီးဖြစ်ပါသည်။
အဆိုပါ Complaint Function သည် အာဆီယံဒေသတွင်း စားသုံးသူတိုင်ကြားမှုများအား အွန်လိုင်းမှ တစ်ဆင့်ဖြေရှင်းဆောင်ရွက်ပေးခြင်းဆိုင်ရာကွန်ရက် ASEAN Online Dispute Resolution Network (ODR Network) ၏ ကနဦးဆောင်ရွက်မှုတစ်ခုလည်းဖြစ်ပါသည်။
စားသုံးသူများအနေဖြင့် တစ်ဦးချင်းသော်လည်းကောင်း၊ အစုအဖွဲ့အနေဖြင့်သော်လည်းကောင်း၊ စားသုံး သူအသင်းအဖွဲ့များမှ ကိုယ်စားပြု၍သော်လည်းကောင်း ဒေသတွင်းရှိ သက်ဆိုင်ရာ Focal points များ ထံသို့တိုင်ကြားနိုင်ပါသည်။ စားသုံးသူများအနေဖြင့် မိမိတိုင်ကြား မှုနှင့်စပ်လျဉ်းသည့် ဖြေရှင်းဆောင်ရွက် ပေးမှု အဆင့်ဆင့်အားသိရှိနိုင်ရန်အတွက် ခြေရာခံသည့်စနစ်ပါရှိပါသည်။ တိုင်ကြားမှုနှင့်စပ်လျဉ်း၍ စားသုံးသူမှပေးအပ်လာသည့် အချက်အလက်နှင့်စာရွက်စာတမ်းများကို အထူးထိန်းသိမ်းသွားမည်ဖြစ်ပါ သည်။ တိုင်ကြားမှု တစ်ခုချင်းစီအတွက် ဖြေရှင်းဆောင်ရွက်ပေးမည့်အချိန်ကာလအား ရက်ပေါင်း ၃၀ သက်မှတ်ပေးထားပြီး၊ အထူးအခြေအနေတစ်ရပ်ရပ်အတွက် ဖြေရှင်းချိန်အား ရက်တိုးမြှင့် ပေးထားပါ သည်။
စားသုံးသူပြည်သူများအနေဖြင့် စားသုံးသူနစ်နာဆုံးရှုံးမှုများကို http:// www. aseanconsumer . org သို့ ဝင်ရောက်၍တိုင်ကြားနိုင်ပါသည်။
Source : DOCA (ASEAN)