( ၆.၈.၂၀၂၅ ) ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်အတွင်း ဟုမ္မလင်းမြို့ပေါ်ရှိ၊ စည်ပင်ဈေးအတွင်း ရောင်းချနေသည့် ဆန်နှင့် ဆန်ထွက်ပစ္စည်း အရောင်းဆိုင်သို့ စားသုံးသူရေးရာဦးစီးဌာနမှ ဦးဆောင်၍ ပူးပေါင်းအဖွဲ့ဖြင့် ကွင်းဆင်းဆောင်ရွက်ခဲ့ကြောင်း သိရှိရပါသည်။
ထိုသို့ကွင်းဆင်းစစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေး ဦးစီးဌာန၊ စည်ပင်သာယာရေးကော်မတီနှင့် စားသုံးသူရေးရာဦးစီးဌာနတို့ ပူးပေါင်း၍ စည်ပင်ဈေး အတွင်းရောင်းချနေသည့် ဆန်နှင့် ဆန်ထွက်ပစ္စည်းများ ရောင်းချရာတွင် ဈေးကစားရန် ရည်ရွယ်ချက်ဖြင့် ဆန်များသိုလှောင်ထားခြင်း မပြုလုပ်ရန်၊ ဆန်များချင်တွယ်ရောင်းချရာတွင်လည်း အချင်အတွယ်များအား ပြည့်မှီစွာ ရောင်းချရန်နှင့် ဆန်များ သိုလှောင်ရောင်းချမည်ဆိုပါက My Ro စနစ်ဖြင့် မှတ်ပုံတင် ဆောင်ရွက်နိုင်ရေး ပြောကြားခဲ့ကြောင်း သိရှိရပါသည်။
DOCA (စစ်ကိုင်း)