ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ ပဲခူးခရိုင်ဦးစီးမှူးနှင့် ပဲခူးတိုင်းဒေသကြီးဦးစီးမှူးရုံးမှ တာဝန်ရှိသူများသည် ၁၈.၈.၂၀၂၂ ၊ ၁၉.၈.၂၀၂၂ ၊ ၂၅.၈.၂၀၂၂ ရက်နေ့များတွင် ပဲခူးခရိုင်အတွင်းရှိ ပဲခူးမြို့ ၊ သနပ်ပင်မြို့ ၊ ဝေါမြို့များရှိ စည်ပင်သာယာစျေးအတွင်း ရောင်းချနေသော ကုန်စုံဆိုင်များနှင့် မြို့ပေါ်ရှိ ကုန်စုံဆိုင် များသို့ စျေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။
ပဲခူးမြို့ ၊ သနပ်ပင်မြို့ ၊ ဝေါမြို့များရှိ စည်ပင်သာယာစျေးများအတွင်း ရောင်းချနေသော ကုန်စုံဆိုင်များနှင့် မြို့ပေါ်ရှိ ကုန်စုံဆိုင်များတွင် ရောင်းချနေသော သွားတိုက်ဆေးအမျိုးမျိုးကို မြန်မာဘာသာဖြင့် ဖော်ပြရမည့် ကုန်အညွှန်းအမှတ်အသားများ ဖော်ပြထားခြင်း ရှိ/မရှိကို စျေးကွက် စောင့်ကြည့်စစ်ဆေးရာ၌ မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာဖော်ပြ ထားသည် ကို တွေ့ရှိရပါသည်။
ပဲခူးတိုင်းဒေသကြီး ၊ စားသုံးသူရေးရာကော်မတီမှ ယခုနှစ်အတွင်း ဦးစားပေးဆောင်ရွက်ရန် အတည်ပြုသတ်မှတ်ပေးခဲ့သော ကုန်စည် (၁၀)မျိုးကို အစီအစဉ်အလိုက် ဆောင်ရွက်ရာ၌ တိုင်းဒေသကြီးဦးစီးမှူး၏ လမ်းညွှန်ချက်အရ ယခုနှစ်တွင် သွားတိုက်ဆေးအမျိုးမျိုးကို စျေးကွက် စောင့်ကြည့် စစ်ဆေးလျက်ရှိကြောင်း သိရှိရပါသည်။
DOCA(ပဲခူး)