“ သန်လျင်မြို့နယ်အတွင်းစည်ပင်သာယာမြို့မဈေးရှိဆန်ဆိုင်များတွင်ဆန်များအားသတ်မှတ် ရည်ညွှန်းဈေးအတိုင်းရောင်းချခြင်းရှိ/မရှိကွင်းဆင်းစစ်ဆေး ”

     ရန်ကုန်တိုင်းဒေသကြီး၊ တောင်ပိုင်းခရိုင်အတွင်းရှိ သန်လျင်မြို့နယ်၊ စည်ပင်သာယာ မြို့မဈေးအတွင်း ဆန်ဖြန့်ဖြူးရောင်းချလျက်ရှိသော ဆန်ဆိုင်များတွင် ဆန်များအား စားသုံးသူ ရေးရာဦးစီးဌာနမှ လစဉ်ထုတ်ပြန်လျက်ရှိသော သင့်တင့်မျှတသော ဈေးကွက်ဈေးနှုန်း (Reasonable Market Price)ဖြင့် ရောင်းချနေခြင်းရှိ/မရှိအား စားသုံးသူရေးရာဦးစီးဌာနမှ ဒုခရိုင်မှူးနှင့် ဝန်ထမ်းများ၊ မြို့နယ်စည်ပင်သာယာမြို့မဈေးမှ ဝန်ထမ်းများ ပူးပေါင်း၍  ဩဂုတ် လ(၁၁)ရက်နေ့၊ နေ့လည်(၁၁:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရသည်။

      ဆန်ဆိုင်များအား ကွင်းဆင်းစစ်ဆေးခြင်းနှင့် ပတ်သတ်၍ စားသုံးသူရေးရာဦးစီးဌာနမှ ရန်ကုန်တောင်ပိုင်းခရိုင်ဦးစီးမှူးရုံးမှ ဒုခရိုင်မှူး ဦးဦးသိန်းမောင်(ဦးစီးအရာရှိ)နှင့် ဝန်ထမ်းများ၊ စည်ပင်သာယာမြို့မဈေးအတွင်းရှိ ဖြန့်ဖြူးရောင်းချနေသည့် ဆန်ဆိုင်ပိုင်ရှင်များအား ဆန်ဈေး နှုန်းဈေးကွက်အခြေအနေများအား အသေးစိတ်မေးမြန်းစုံစမ်းပြီး ဆန်ဈေးနှုန်းများအား စီးပွားရေး နှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ သင့်တင့်မျှတသော ဈေး ကွက်ဈေးနှုန်း (Reasonable Market Price)အား လစဉ်ထုတ်ပြန်ပေးလျက်ရှိကြောင်း ရှင်းလင်း ဆွေးနွေးခဲ့ပါသည်။ ဆက်လက်၍ ဒုခရိုင်မှူးက ဈေးကွက်အတွင်း ဆန်ဈေးနှုန်းများအား သတ် မှတ်ရည်ညွှန်းဈေးအတိုင်း ရောင်းချရမည်ဖြစ်ကြောင်း ဈေးကစားရန်ရည်ရွယ်၍ သိုလှောင်ထား ခြင်းမပြုလုပ်ကြရန်နှင့် သတ်မှတ်ရည်ညွှန်းဈေးထက် ဈေးနှုန်းမြှင့်တင် ရောင်းချခြင်းပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အကျယ်တဝင့် ဆွေးနွေးခဲ့ကြောင်း သိရှိရပါသည်။

DOCA (ရန်ကုန်)