စားသုံးသူရေးရာဦးစီးဌာန၊ ပြည်ထောင်စုနယ်မြေ၊ နေပြည်တော်ခရိုင်ဦးစီးမှူးရုံးမှ ဦးစီးမှူး ဦးမြင့်နိုင်နှင့်ဝန်ထမ်းများဦးဆောင်၍ ၂၀၂၂ခုနှစ်၊ ဩဂုတ်လ စတုတ္ထပတ်တွင် စားသုံးသူကာကွယ် ရေးလုပ်ငန်းများဖြစ်သည့် ထုတ်ကုန်လုံခြုံစိတ်ချရမှုရှိစေရေးနှင့်ဈေးကွက်လေ့လာစောင့်ကြည့် စစ်ဆေးခြင်းကို ပျဉ်းမနားမြို့နယ်ရှိ အာဟာရသုခဈေးတွင် (၃၁-၈-၂၀၂၂)ရက်နေ့၊ နံနက် (၁၀း၀၀) နာရီအချိန်၌ ဆောင်ရွက်ခဲ့ရာ ဈေးအုပ်ချုပ်ရေးမှူး ဦးမောင်မောင်လွင်နှင့်အဖွဲ့မှ ပူးပေါင်းပါဝင်ခဲ့ပါသည်။ ဈေးကွက်အတွင်း ရောင်းချနေသော ကုန်စည်များပေါ်တွင် ကုန်အညွှန်းအမှတ်အသားများ ဖော်ပြခြင်းရှိ/မရှိ စိစစ်ဆောင်ရွက်ခဲ့ပြီး “ စီးပွားရေးလုပ်ငန်းရှင်များ လိုက်နာဆောင်ရွက်ရန် ညွှန်ကြားချက် အမှတ် ၂/၂၀၁၉ "အား သိရှိလိုက်နာဆောင်ရွက်သွားရန် အသိပေးရှင်းလင်း ပြောကြားခြင်းများ ပြုလုပ်ခဲ့ပါသည်။ ထို့နောက် ဈေးဆိုင်များအား ကြည့်ရှုစစ်ဆေးပြီး နံနက် (၁၁း၃၀) နာရီ အချိန်တွင် ပြီးစီးခဲ့ကြောင်း သတင်းရရှိပါသည်။
DOCA(ပြည်ထောင်စုနယ်မြေ)