ဧရာဝတီတိုင်ဒေသကြီး၊ မြောင်းမြခရိုင် မော်ကျွန်းမြို့နယ်တွင် ဆန်စက်လုပ်ငန်းရှင်များနှင့် ဆန်စပါးကုန်သည်များ အားစားသုံးသူရေးရာဦးစီးဌာန မော်ကျွန်းမြု့နဘ်တာဝန်ခံရုံးတွင် (၁၅.၈.၂၀၂၅)ရက်နေ့ ၊နံနက်(၁၀:၀၀)အချိန်၌ ((Myanmar Rice Online-MyRo)သိုလှောင်ရုံ မှတ်ပုံတင်ဆောင်ရွက်ခြင်းကို အသိပေး ရှင်းလင်းဆွေးနွေးခဲ့ပါသဉ်။
အဆိုပါဆွေးနွေးပွဲတွင် မြို့နယ်တာဝန်ခံဦးမင်းဇော်လတ်က စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းအကောင်အထည်ဖော်ဆောင်ရွက်လျက်ရှိသည့် မြန်မာဆန်စပါးအွန်လှိုင်း(MyRo)ကို ၂၀၂၃ခုနှစ် နိုဝင်ဘာ ၃ရက်နေ့မှစ၍ ဆန်တန်ချိန်(၂၅)နှင့်အထက် သိုလှောင်ရုံ သို့မဟုတ် စပါးတင်း(၂၅၀၀)နှင့်အထက် သိုလှောင်မှုများအား မှတ်ပု့တင်ဆောင်ရွက်လျက်ရှိကြောင်း၊ သက်တမ်းတိုး ဆောင်ရွက်ခြင်း ကုန်ရ၊ကုန်ထုတ်၊ကုန်လက်ကျန် စာရင်းများအား လစဉ် လဆန်း(၁)ရက်နေ့မှ (၇)ရက်နေ့ အတွင်း Update ဖြည့်သွင်းဆောင်ရွက်နေမှုအား အသေးစိတ်ရှင်းလင်းပြောကြားခဲ့ပြီး ပြင်ပတွင် ဆန်တန်ချိန်(၂၅)နှင့်အထက် သို့မဟုတ် စပါးတင်း(၂၅၀၀)နှင့် အထက်သိုလှောင်ပါက စစ်ဆေးအရေးယူဆောင်ရွက်မည်ဟု မဟုတ်မမှန်ဦ ကောလဟာလ သတင်းပြန့်လွှင့်နေမှုမှာ မှန်ကန်မှုမရှိပါကြောင်း၊ တောင်သူ၊ စက်ပိုင် များအနေဖြင့် သတ်မှတ်ထားသော ညွှန်ကြားချက်နှင့် အညီအကန့်အသတ်မရှိသိုလှောင်နိုင်ပါကြောင်း ရှင်းလင်းဆွေးနွေးခဲ့ပြီး လုပ်ငန်းရှင်များမှ သိရှိလိုသည်များကို ပြန်လည်ဖြေကြား ဆွေးနွေးခဲ့ပါကြောင်းသိရှိရပါသည်။
( DOCA ဧရာဝတီ)